Matur | mbl | 4.7.2020 | 17:12

Fantasíubollur fyrir alla fjölskylduna

Bollur að þínu skapi! Þessar mótar þú eftir eigin höfði og fyllir með því sem hugurinn girnist. mbl.is/Colourbox

Krökkum finnst fátt skemmtilegra en að taka þátt í bakstri með því að hnoða og móta deigið. Þessi bolluuppskrift er akkúrat þannig að útkoman getur verið allskonar – allt eftir höfði hvers og eins.

Fantasíubollur fyrir alla fjölskylduna

3 dl volgt vatn
25 g ger
100 g gróft hveiti
1 tsk. gróft salt
1 msk. olía
325 g hveiti
Egg til penslunar

Fylling – nokkrar tillögur

75 g fræ, t.d. sesam, hörfræ, haframjöl
1 epli skorið í bita
1 dl rúsínur
100 g saxað súkkulaði

Aðferð:

Setjið gerið út í vatnið, en passið að það sé ekki of heitt. Bætið því næst grófa hveitinu saman við, salti og olíu.
Bætið hveitinu smátt og smátt saman við á meðan þið hnoðið.
Setjið fyllinguna (að eigin vali) út í deigið og látið hefast í 45 mínútur við stofuhita.
Skiptið deiginu upp í tvo hluta og rúllið hvorum hluta í pulsu. Skiptið hverjum hluta í 6 jafn stór stykki og mótið í bollur. Setjið á bökunarpappír á bökunarplötu og látið hefast í 30 mínútur.
Penslið bollurnar með eggi og stráið fræjum eða kjörnum yfir. Setjið inn í ofn á 225° og bakið í 15-20 mínútur. Það á að heyrast tómahljóð þegar þú bankar laust undir bollurnar.