Matur | mbl | 2.9.2020 | 14:05

Snickers-hollustubitar í boði Olio Nitti

Það er Olio Nitti sem býður okkur upp á þessa sykurlausu Snickers-bita. mbl.is/Olio Nitti

Hér eru stórkostlegir Snickers-bitar sem við rákumst á hjá Olio Nitti, en þeir sem til þekkja vita að hér á ein vinsælasta ólífuolía landsins í hlut. Helstu matreiðslumenn hér heima dásama olíuna út í eitt!

Uppskriftin er sykurlaus og inniheldur ólífuolíuna og möndlurnar frá Olio Nitti – því enn meiri ástæða til að láta eftir sér þessa gómsætu bita.

Snickers-hollustubitar – sykurlausir

150 g döðlur
100 g Olio Nitti hvítar möndlur og 6-7 stk. í viðbót til skreytingar
3 msk. hnetusmjör
2 tsk. hlynsíróp eða Erythrol
1 msk. kókosolía
60 g dökkt suðusúkkulaði
Til að gera bitana alveg sykurlausa má nota sykurlaust dökkt súkkulaði og setja 5 dropa af stevíu.

Aðferð:

Setja döðlur í blandara og saxa vel niður.
Bæta við möndlum, hnetusmjöri og sætuefni.
Blanda vel saman, má vera gróft.
Setja í lítið ferkantað form sem klætt er með smjörpappír í botninn eða plastfilmu.
Þjappa vel í botninn svo myndist um það bil 1-2 cm lag (fer eftir stærð formsins).
Kæla í ísskáp í 30 mín.
Bræða súkkulaði með kókosolíu.
Hella yfir og gjarnan hella yfir smá kurli af möndlunum og geyma aftur í kæli þar til súkkulaðið hefur harðnað og þá má skera í bita.