Matur | mbl | 26.10.2020 | 15:31

Hin fullkomna mánudagssúpa a la Mexíkó

Það er ekta dagur til að bjóða upp á góða mexíkóska súpu. Hér er búið að setja fisk út í súpuna en það er jafn auðvelt að nota kjúkling eða hakk. Ykkar er valið. Munið bara að steikja það áður en það fer í súpuna og þá eruð þið í toppmálum.

Mexíkósk fiskisúpa sem slær alltaf í gegn

1 pk mexíkósk tómatsúpa frá TORO
6 dl vatn
500 ml rjómi (eða matreiðslurjómi)
1 dl sweet chili-sósa
1 grænmetisteningur
1 tsk. túrmerik
1 tsk. karrí
chili á hnífsoddi
4-6 gulrætur
1/2 púrrulaukur
1 rauð paprika
600 g ýsubitar
1 bolli rækjur (má sleppa)

Aðferð:

Hellið vatni, rjóma og sweet chili-sósu í pott, hrærið mexíkósku tómatsúpunni út í. Fáið suðuna rólega upp og hrærið vel í á meðan.
Bætið grænmetisteningi, túrmeriki, karríi og chili út í.
Skerið gulrætur, púrrulauk og papriku í bita og bætið út í.
Leyfið súpunni að malla í ca 15-20 mínútur. Bætið svo ýsubitunum út í og leyfið að sjóða í u.þ.b. sjö mínútur.
Bætið rækjunum út í alveg í lokin.
Berið fram með nachos og rifnum osti.