Matur | mbl | 9.12.2020 | 14:15

Kartöflumeðlæti með leynihráefni

Besta kartöflumeðlæti síðari ára. Mbl.is/Instagram_Laurafordnutrition

Bakaðar kartöflur í ofni geta verið allskonar – og þá meinum við misgóðar. Hér er aftur á móti uppskrift sem þykir sú besta og það með leynihráefni, því hungang spilar hér stórt hlutverk. Það er næringarfræðingurinn Laura Ford sem deildi uppskriftinni með fylgjendum sínum á Instagram og sló heldur betur í gegn.

Kartöflumeðlæti með leynihráefni

2 kíló litlar kartöflur, skornar í 1 cm sneiðar.
2 msk. ólífuolía
50 g smjör
season all
salt og pipar
1-2 msk. hunang
ferkt timían til skrauts (ef vill)

Aðferð:

Sjóðið kartöflurnar í potti í 4-5 mínútur, þar til örlítið mjúkar.
Hitið ofninn á 200°. Setjið ólífuolíu og smjör á bökunarplötu og inn í ofn í 2 mínútur þar til smjörið er bráðið. Setjið þá kartöflurnar á plötuna og veltið upp úr smjörblöndunni. Kryddið.
Dreifið úr kartöflunum þannig að þær liggi ekki ofan á hvor annari. Kannski er þörf á annari bökunarplötu.
Bakið kartöflurnar í 30 mínútur, snúið þeim þá við og bakið áfram í 25-30 mínútur þar til krispí.
Dreypið hunangi yfir kartöflurnar á meðan heitar og stráið söxuðu fersku timían yfir.