Sætkartöflumús

• 1 kg sætar kartöflur
• 3 dl rjómi
• 5 dl vatn
• 1 msk. salt
• 5 msk. púðursykur
• 1 stk. klementína – safi
• 2-3 dl sykurpúðar
• 1 dl kornflex

Sætu kartöflurnar flysjaðar og skornar í litla bita, settar í pott með rjómanum, vatninu og saltinu, soðnar þar til vel mjúkar.

Þá er mesti vökvinn sigtaður frá og kartöflurnar maukaðar.

Þá eru þær kryddaðar með púðursykrinum og klementínusafanum, smakkaðar til með salti og pipar.

Músin er þá sett í eldfast mót og sykurpúðum stráð yfir hana, hægt er að nota mini-sykurpúða eða skera niður stærri sykurpúða.

Sett inn í ofn á 180°C þar til sykurpúðarnir eru farnir að brúnast smá.

Þá er kornflexi stráð yfir og sett í auka 5 mínútur í ofninn.