Matur | mbl | 23.6.2021 | 14:07

Brauðbollu-uppskrift með leynihráefni

Það jafnast ekkert á við nýbakað á morgnana. Mbl.is/

Hér er engin venjuleg bolluuppskrift á ferð, því þessi geymir leynihráefni sem þú munt elska. Og það besta er að þú getur gert hana deginum áður og geymt í kæli yfir nótt. Fullkomið fjölskyldunasl eða í helgarbrönsinn.

Brauðbollu-uppskrift með leynihráefni

10 g ger
2,5 dl mjólk
2,5 dl kalt vatn
2 tsk. salt
800 g hveiti

Fylling

100 g hrátt marsípan
100 g gott dökkt súkkulaði

Aðferð:

Smuldrið gerinu yfir helminginn af mjólkinni. Bætið því næst restinni af mjólkinni saman við, ásamt vatni og salti. Því næst kemur hveitið út í og deigið hnoðað þar til slétt og fínt.
Látið hefast í kæli í 10-15 tíma.
Rífið maríspan niður með grófari hlutanum á rifjárninu. Saxið súkkulaðið og bætið hvoru tveggja út í deigið.
Formið deigið í 10 stórar bollur og leggið á bökunarpappír á bökunarplötu. Látið hefast í 30 mínútur.
Penslið bollurnar með pískuðu eggi og stráið perlusykri yfir.
Bakið við 225° í 15 mínútur eða þar til bakaðar í gegn.
Látið kólna á rist og berið fram.