Matur | mbl | 22.1.2022 | 10:22 | Uppfært 27.1.2022 20:34

Heimabakaðir snúðar sem koma á óvart

Girnilegir pestó snúðar að hætti Önnu Mörtu. mbl.is/Anna Marta

Við elskum nýbakaða snúða og þessi uppskrift hér er svakalega ljúffeng. Það er Anna Marta sem á heiðurinn að þessum spelt-snúðum með grískri jógúrt og pestó – namm!

Spelt snúðar með pestó og grískri jógúrt

2 bollar spelt hveiti / 275 g
1½ bolli hrein grísk jógúrt / 365 g
Smá salt (½ tsk)
1 msk lyftiduft/15 gr
3 msk ANNAMARTA pestó
Lúka af mozzarella osti

Aðferð:

Setjið hveitið, griska jógúrtið, lyftiduftið og saltið saman í skál og hnoðið saman. Gott að notast við hrærivél eða hnoða í höndum.
Fletjið deigið út í ferhyrning. Penslið deigið með pestó og stráið mozzarella ostinum yfir. Rúllið deiginu upp.
Skerið niður í 14-16 snúða.
Raðið á bökunarpappír með hæfilegu bili á milli snúða.
Bakið við 180 gráður í 15 -18 mín. Best að stilla ofn á blástur.