Súkkulaðibomba að hætti Victoriu Beckham
Victoria Beckham og súkkulaðikakan góða sem bökuð var af Berglindi Guðmundsdóttur.
Setja bókamerki
Þetta eru nú ekki orð sem maður tengir alla jafna saman: Victoria Beckham og brownie. Engu að síður er þetta uppskrift sem kemur frá henni og hún deildi með tímaritinu People.
Það er Berglind Guðmunds á GRGS.is sem ákvað að prufa kökuna sem stóð fyllilega undir væntingum enda væri það ólíkt frú Beckham að gefa glataða uppskrift.
En hér er uppskriftin í öllu sínu veldi og ef það er einhvern tímann tilefni til að skella í góða köku þá er það núna.
Brúnkur að hætti Victoriu Beckham
- 225 g smjör
- 400 g sykur
- 225 g hveiti
- 60 g kakó
- 1 tsk. vanillusykur
- 1/2 tsk. lyftiduft
- 1/2 tsk. salt
- 4 stór egg
Aðferð:
- Bræðið smjörið.
- Hrærið öllum þurrefnum saman. Bætið eggjum og kældu smjörinu saman við.
- Hellið í form með smjörpappír.
- Bakið við 190°C í 22-25 mínútur.
- Takið úr ofni og kælið lítillega. Berið fram með þeyttum rjóma og/eða vanilluís.
Ljósmynd/Berglind Guðmundsdóttir
Þetta eru ráðherrar ríkisstjórnarinnar
Lyklaskipti í ráðuneytunum
Var engin kristnitaka árið 1000?
Segir að verið sé að svindla á Bandaríkjunum
„Þetta er ríkisstjórn almannahagsmuna“
Fyrsti blaðamannafundurinn í heild sinni