Eplakaka drauma þinna

• 2 egg
• 200 g sykur
• 100 g smjör
• 200 g hveiti
• 1 tsk. lyftiduft
• 1 msk. vanillusykur
• 1 epli
• 20 cm bökunarform

Ofan á:

• 2 epli
• 1 msk. kanill
• 2 msk. sykur

Bera fram með:

• Vanilluís, sýrðum rjóma eða grískri jógúrt

Aðferð:

1. Hitið ofninn á 180 gráður. Þeytið egg og sykur þar til blandan verður létt í sér. 
2. Bræðið smjörið í litlum potti við vægan hita og látið kólna aðeins áður en eggjablandan er hrærð út í. Blandið saman hveiti, lyftidufti og vanillusykri og sigtið út í deigið. Hrærið vel með skeið þar til deigið er jafn og slétt. 
3. Afhýðið 1 epli og skerið í litla teninga og blandað þeim saman við deigið með skeið. Smyrjið fomrið og hellið deiginu í það. 

Ofan á:

Skerið eplin í þunnar sneiðar og dreifið þeim þétt ofan á deigið. 

Blandið kanil og sykri saman og stráið jafnt yfir kökuna. Bakið í ofni í 35 mínútur. 

Berið fram meðan kakan er ennþá volg - þá með vanilluís eða öðru sem hugurinn girnist.