Matur | mbl | 27.12.2022 | 5:07

Heimagert granóla að hætti Jönu

Granóla sem smakkast eins og jólin með kanil, hnetum og trönuberjum. mbl.is/Jana

Að eiga gott granóla inni í skáp er eins og að eiga sælgæti út á ab-mjólkina á morgnana. Þetta granóla er úr smiðju Jönu sem gefur uppskriftinni fullt hús stiga.

Heimagert granóla að hætti Jönu

1 dl hunang
1/2 dl kókosolía
3 msk. kakósmjör
1 msk. vanilla
1 tsk. salt
2 tsk. kanilduft
1/2 tsk. engiferduft

Þurrt

6 dl haframjöl
2 dl pekanhnetur, gróft saxaðar
2 dl sólblómafræ
1 dl kókosmjöl
1 dl graskersfræ

Aðferð:

Hitið í potti við lágan hita – hunang, kókosolíu, kakósmjör, vanillu, salt og krydd.
Setjið öll þurrefnin í skál og hrærið svo vökvanum vel saman við.
Setjið inn í ofn á bökunarpappír eða beint á hreina bökunarplötu og ristið á 150 gráðum í 25-35 mínútur. Passið að hræra vel í granólanu nokkrum sinnum svo að það ristist jafnt.
Eftir að granólað er komið úr ofninum, blandið þá 1 dl af þurrkuðum trönuberjum og 1 dl af ristuðum kókosflögum saman við.