Matur | mbl | 14.3.2023 | 13:41

Kjúklingur í trylltri sósu

Ljósmynd/Gott í matinn

Stundum þarf ekkert að flækja hlutina. Við erum með kjúkling og svo sósu sem tryllir mannskapinn... eða allavega matargesti. Við erum að tala um rjómalagaða bernaise-sósu og við skorum á ykkur að smakka. Það eru nefnilega töluverðar líkur á að þetta verði næsti uppáhalds kjúklingarétturinn ykkar.

Kjúklingur með rjómabernaisesósu

Fyrir fjóra

4 stk. kjúklingabringur
2 msk. smjör til steikingar
500 ml matreiðslurjómi frá Gott í matinn
2 msk. dijon sinnep
4 tsk. estragon
4 tsk. bernaise essens
2 msk. kjúklingakraftur (1 teningur)
sjávarsalt og nýmalaður svartur pipar eftir smekk

Tillaga að meðlæti

hrísgrjón, steikt eða ferskt grænmeti og heitt snittubrauð

Aðferð:

Hitaðu ofninn í 200°C.
Brúnaðu kjúklinginn í smjöri á báðum hliðum.
Kryddaðu með sjávarsalti og nýmöluðum pipar.
Settu kjúklinginn í eldfast mót og bakaðu í 20 mínútur í ofni þar til hann er fulleldaður.
Helltu matreiðslurjóma í djúpa pönnu, síðan sinnepi, estragoni, kjúklingakrafti og bernaise essens.
Hitaðu upp að suðu, settu kjúklinginn út í og leyfðu að malla í 5 mínútur við lágan hita.
Berðu réttinn fram með hrísgrjónum, steiktu eða fersku grænmeti og heitu snittubrauði.