Umi ribeye-steik

• 300 g Umi nauta ribeye frá Úrúgvæ (alið á korni í 200 daga fyrir slátrun)
• Ólífuolía eftir smekk
• Salt eftir smekk
• Ferskar kryddjurtir að eigin vali

Aðferð:

1. Best er að hita grillið mjög vel.

2. Látið steikina standa í stofuhita 1-2 klukkustundir fyrir grillun.

3. Penslið með smá ólífuolíu.

4. Kryddið með salti og lokið steikinni á grillinu í um það bil 3 mínútur á hvorri hlið.

5. Lækkið hitann og takið af þegar kjarnhitinn hefur náð 48°C.

6. Látið steikina hvíla. Gott er að láta steikina hvíla á ferskum kryddjurtum.

Grænmetisgrillspjót með
grillosti og chimichurri-sósu

• 1 pk. sveppir
• 2-3 paprikur
• 2-3 brokkolí
• 2-3 laukar
• 1 stk. grillostur að eigin vali
• Ólífuolía
• Salt og pipar eftir smekk

Aðferð:

1. Raðið grænmetinu og grillostinum eftir hentisemi á grillspjót.

2. Penslið spjótin með ólífuolíu, jafnvel dassi af hvítlauksolíu.

3. Kryddið með salti og pipar og grillið á heitu grillinu þar til grænmetið hefur eldast.

4. Dressið grillspjótin með chimichurri-kryddjurtasósu og berið fram.

Hasselback-kartöflur

• Bökunarkartöflur (1 stk. á mann)
• Ólífuolía
• Gróft salt
• Ferskt blóðberg eða timjan
• Smjör (skorið í kubba)
• Hvítlaukssmjör ef vill

Aðferð:

1. Byrjið á því að hita ofninn í 170-180°C.

2. Skerið með beittum og þunnum hníf niður í sirka hálfa kartöfluna, línur yfir hana alla með sirka 1 mm millibili.

3. Veltið kartöflunum upp úr olíu og kryddið til með grófu salti.

4. Raðið á bakka með jöfnu millibili.

5. Setjið smjörkubb og blóðberg og/eða timjan ofan á hverja og eina kartöflu.

6. Bakið við 170-180°C hita í 50-60 mínútur eða þar til kartöflurnar eru eldaðar og orðnar stökkar að ofan.

Chimichurri

• 1 búnt steinselja
• 1 búnt kóríander
• 400-500 ml ólífuolía
• 2 hvítlauksgeirar
• Sítrónusafi og zest af einni sítrónu
• 2-5 stk. fínt saxað chili eftir smekk
• 1 msk. gróft salt

1. Blandið saman öllu grænmetinu og maukið vel saman.

2. Bragðbætið með grófu salti eftir smekk.