Hildur Gunnlaugs arkitekt og umhverfisfræðingur, sem þykir sniðugri en flestir á mörgum sviðum. Hún er ótrúlega frumleg þegar hún matreiðir og útbýr girnilega rétti sem erfitt er að standast. Hér sviptir hún hulunni af sínum uppáhalds morgunverði þessa dagana og skorar á nýjan viðmælanda að taka við keflinu næst og deila sinni uppáhalds uppskrift.

Hildi er margt til lista lagt og er eigandi nýstofnaðrar arkitektastofu sem ber heitið Stúdíó Jæja  ásamt Bjarka Gunnari Halldórssyni arkitekt. Þar er unnið að alls kyns arkitektaverkefnum, allt frá skipulagi að hönnun einstakra rýma. Hildur heldur úti Instagram reikningum @hvasso_heima þar sem hún deilir ýmsum ráðum og verkefnum auk þess að hún sýnir frá matargerð sinni og stundum bakstri. Þar er stundum hægt að sjá skemmtileg og frumleg ráð arkitektsins fyrir heimilið.

Elskar allt sem er feitt, salt og sætt

Aðspurð segist Hildur hafa ástríðu fyrir einfaldri matargerð þar sem hráefnalistinn er stuttur. „Helst vil ég aldrei nota meira en 5 innihaldsefni í mat og ég hef nánast aldrei tíma til þess að búa til flókinn mat. Svo fæ ég æði fyrir einhverjum einum rétt og borða nánast á hverjum einasta degi í heilan mánuð, eftir það fæ ég algjört ógeð svo kemur æðið aftur eftir nokkra mánuði eða jafnvel ár. Segja má að ég borði alltaf eins og ólétt kona sem fær æði fyrir einhverju. Innblásturinn fæ ég oftast á Instagram en algorythminn er byrjaður að þekkja mig ansi vel og sýnir mér gjarnan mjög einfalda grænmetisrétti. Annars elska ég allt sem er feitt, salt og sætt, helst allt í einu – það er best,“ segir Hildur.

Hver er þinn uppáhaldsmorgunverður sem þú ætlar að gefa uppskriftina af?

„Nýjasta æðið mitt er í raun gamalt æði sem ég er komin með aftur. Það er einmitt með aðeins 5 innihaldsefnum, sælkera chia fræ grautur sem ég elska. Þetta getur í raun verið bæði eftirréttur alveg eins og morgunmatur,“ segir Hildur sem elskar að einfalda hlutina.

Hvern viltu skora á að vera næstan í röðinni og svipta hulunni af sínum uppáhalds morgunverði? 

„Ég skora á Guðrúnu Ýr Eðvaldsdóttur matarbloggara sem er með Instagram reikninginn Döðlur og smjör að svipta hulunni af sínum uppáhalds morgunverð næst,“ segir Hildur.

Tengdar fréttir

Uppskriftir

Kartöflusalatið sem sló í gegn hjá Michelin-stjörnukokki

• Undursamlega góð bleikja í taílenskri sesam- og engifermaríneringu
• Rauðbeðuduftið gerir allt jólalegra
• Seytt rúgbrauð með reyktum silungi og sprettum sem steinliggur
• Osta- og hunangsveisla fyrir ostaunnendur

» Fleiri tengdar fréttir

Morgunverður

Yfir nóttu hafrar sem láta þig hlakka til morgunverðarins

• Vetrargleðirétturinn hennar Jönu
• Kræsilegar kartöfluvöfflur sem seðja hungrið
• Krukkugrautur sem allir geta gert
• Frumlegir og ofurhollir eplakleinuhringir fyrir börnin að gera

» Fleiri tengdar fréttir

• Blogga um frétt