Matur | mbl | 26.6.2023 | 18:00

Boeuf Bourguignon með heimalagaðri kartöflumús

Hér er á ferðinni hinn frægi klassíski franski réttur Boeuf Bourgignon. Hver og einn getur gert hann með sínu nefi og valið um þykkt og magn. Samsett mynd

Hér er á ferðinni hinn frægi klassíski franski réttur Boeuf Bourgignon þar sem nautakjöt er soðið með rauðvíni og grænmeti. Þetta er ótrúlega góður pottréttur af betri gerðinni og á vel við þegar það rignir úti. Rétturinn er síðan borinn fram með heimalagaðri kartöflumús.

Fyrstu heimildir um þennan vinsæla pottrétt er frá 19. öld, seinna birtist uppskrift að réttinum í bók franska kokksins Auguste Escoffier. Þessi rétturinn var upphaflega hefðbundinn sveitaréttur sem síðan þróaðist í rétt sem má finna á bestu veitingahúsum Frakklands og nýtur mikilla vinsælda enda ljómandi góður. Það er gott að gefa sér tíma í að gera þennan rétt og leyfa kjötinu að malla með grænmetinu í dágóðan tíma. Það borgar sig líka að marínera kjötið í nokkrar klukkustundir áður en það er steikt.

Boeuf Bourguignon

2 kg beinlaust nautakjöt
1 flaska rautt Búrgúndarvín
1 stk. lárviðarlauf
1 msk. þurrkað provencekrydd eða kryddjurtakrydd
2 sneiðar beikon ef vill, skorið í bita
8 skalotlaukar, grófskornir
2-4 hvítlaukar, þessir litlu í körfunni
2-3 gulrætur, grófskornar
400 g sveppir, skerið í tvennt
Salt og pipar eftir smekk
Olía til steikingar
2 msk. smjör
2 msk. hveiti

Aðferð:

Byrjið á því að skera kjötið í meðalstóra bita, hafa þá tvöfalt stærri en í gúllasrétti.
Blandið saman rauðvíninu og kryddinu og leggið kjötbitana í fat eða mót.
Hellið blöndunni yfir kjötið og marínerið kjötbitana í um það bil 4 til 5 klukkustundir.
Takið kjötið upp úr vökvanum og þerrið á eldhúsbréfi.
Geymið löginn, maríneringuna, þar til síðar.
Setjið hveitið í skál eða fat og veltið kjötbitunum upp úr hveitinu.
Steikið kjötið á heitri pönnu upp úr olíu.
Setjið kjötið í stóran og góðan pott, til dæmis pottjárnspott eða pott með þykkum botni.
Steikið síðan skalotlauka og beikonbitana á pönnunni og bætið svo í pottinn með kjötinu.
Hellið síðan leginum, maríneringunni, yfir kjötið í pottinum og kryddið með salti og pipar.
Merjið hvítlaukana út í blönduna í pottinum.
Bætið gulrótunum út í.
Látið suðuna koma upp og hrærið reglulega í pottinum.
Lækkið hitann eftir að suðan er komin upp, þar til það rétt kraumar í pottinum.
Setjið lok á pottinn og látið malla í tvær til þrjár klukkustundir.
Steikið sveppina áður en bera á réttinn fram, það má sleppa sveppunum ef vill.
Bætið sveppunum út í og látið malla í um það bil 5 til 10 mínútur.
Bætið vatni út í sósuna ef hún er of þykk. Ef hún er of þunn er ráð að bæta við nautakrafti.
Berið fram með heimalagaðri kartöflumús