Matur | mbl | 15.7.2023 | 15:30

Sumarlegt maíssalat með grillmatnum

Girnilegt og sumarlegt maíssalatið úr smiðju Helgu Möggu. Samsett mynd

Hér er á ferðinni ferskt og sumarlegt maíssalat með ostaívafi sem smellpassar vel með grillmatnum beint úr smiðju Helgu Möggu heilsumarkþjálfa sem heldur úti instagram síðunni @helgamagga. Salatið er líka ótrúlega ljúffengt á taco og vefjur. Hægt er að leika sér með þetta salat og jafnvel útbúa snittur eða hvað eina sem ykkur dettur í hug. Maíssaltið er svo skemmtilegt og litríkt á veisluborðið.

Ferskt og sumarlegt maíssalat sem passar vel með öllum grillmat. Ljósmynd/Helga Magga

Sumarlegt maíssalat

2-3 ferskir maís stönglar
50 g ostakubbur frá MS
120 g sýrður rjómi 10%
1 paprika
1 hvítlauksrif
Safi úr einni límónu ásamt berkinum
Ferskt kóríander eftir smekk, saxið gróft
1 tsk. salt
1 tsk. pipar
1 tsk. chili

Aðferð:

Byrjið á því að láta maísinn liggja í volgu vatni í um það bil 10 mínútur.
Eftir þaðgrillið maísinn grillaður í um það bil 12 - 15 mínútur ogsnúið honum reglulega á grillinu svo allar hliðarnar grillist.
Kælið maísinn síðan örlítið og skerið hann síðan af stilknum.
Skerið ostakubburinn og paprikuna í litla bita.
Pressið hvítlaukinn og blandaði öllu saman ásamt fersku kóríander.
Berið fram með grillmatnum eða því sem ykkur langar að hafa salatið með.