Mánudagar eru fiskdagar hjá mörgum og þegar sólin skín er ekkert betra en grillaður fiskur. Grillaður fiskur er bæði svo góður og hollur, léttur í maga og öllum líður vel eftir að hafa borðað grillaðan fisk, Hér eru nokkrar girnilegar uppskriftir af grilluðum fisk sem birst hafa á matarvefnum og hafa slegið í gegn. Það er mun auðveldara að grilla fisk en margir halda og tekur örskamma stund. Það er lítið mál að velja aðra fisktegund í uppskriftirnar, til dæmis skipta út laxinum og setja inn bleikju í staðinn. Bleikja er til að mynda ótrúlega ljúffeng grilluð ekki síður en lax.