Matur | mbl | 23.7.2023 | 12:10

Ferskt og ljómandi gott tómatasalat

Ferskt og ljómandi gott tómatasalat úr smiðju Kristjönu Steingrímsdóttur heilsumarkþjálfa sem ávallt er kölluð Jana. Samsett mynd

Hér er á ferðinni ferskt og ljómandi gott tómatasalat sem á vel við á þessum árstíma. Þetta dásamlega salat kemur úr smiðju Kristjönu Steingrímsdóttur, ávallt kölluð Jana, sem heldur úti uppskriftarsíðunni Jana. Hún er líka með Instagram reikninginn @janast. Það tekur stutta stund að útbúa þetta salat og svo fullkomið með grillmatnum eða jafnvel eitt og sér sem létt og góð máltíð.

Þetta tómatasalat lítur vel út. Ljósmynd/Jana

Ferskt og gott tómatasalat

3 stk. íslenskir tómatar
4 msk. pistasíur saxaðar gróft
3 msk. góð ólífuolía
Salt og pipar eftir smekk
Nokkur blöð af basil, söxuð gróft
Maríneraður rauðlaukur, sjá uppskrift hér fyrir neðan.
Sprettur að eigin vali

Aðferð:

Skerið tómatana í þunnar sneiðar raðið á disk.
Setjið svo restina ofan á tómatana.
Berið fallega fram.

Maríneraður rauðlaukur

1 rauðlaukur skorin í þunnar sneiðar á mandólín
1 bolli hvítt edik
1 bolli vatn
1 msk. hrásykur
1 msk. sjávarsalt
1 tsk. rósapipar korn

Aðferð:

Setjið laukinn og piparkornin í krukku
Hitið edik, vatn, sykur og salt í potti við meðalhita.
Hrærið þar til sykurinn og saltið eru búin að leysast upp, um það bil 1 mínútu.
Látið kólna og hellið yfir laukinn.
Setjið til hliðar til að kólna niður í stofuhita, geymið síðan laukinn í ísskápnum.
Fallegur og góður laukur út á salöt og með flestum mat.
Geymist í 4-6 vikur í ísskáp.