Bakað kemur í stað Joe & the Juice
Setja bókamerki
Kaffihúsið Bakað opnaði í síðustu viku á innritunarsvæðinu á 1. hæð Keflavíkurflugvallar, þar sem kaffihúsið Joe & the Juice var áður. Tilkynnt var um lokun Loksins og Joe í Leifsstöð í lok marsmánaðar.
Hjá Bakað er boðið upp á bakkelsi, nýbakað brauð og pizzur, heilsusamlega safa, salöt og kaffi frá Te & kaffi.
Lögð verður áhersla á einfalda rétti, ferskt brauðmeti og pizzur að því er haft er eftir Ágústi Einþórssyni, bakara og hugmyndasmið að vöruframboði Bakað, í fréttatilkynningu frá Isavia.
Síðara kaffihús Bakað verður opnað síðar á árinu inni í verslunar- og veitingarými Keflavíkurflugvallar.
„Góð viðbót í veitingaflóru flugvallarins“
„Eftir því sem farþegum fjölgar verða þarfirnar fjölbreyttari og því er Bakað alveg einstaklega góð viðbót í veitingaflóru flugvallarins. Við erum stöðugt að vinna að því að bæta upplifun farþega og þjónustu við þá og með Bakað fjölgar sannarlega valmöguleikum þeirra,“ er í tilkynningu haft eftir Gunnhildi Erlu Vilbergsdóttur, deildarstjóra verslunar og veitinga á Keflavíkurflugvelli.
HAF Studio sem sér um hönnun staðanna tveggja undanfarin ár komið að hönnun fjölmargra veitingastaða og mathalla.
Skattamál verði líklega „þeirra mesta klemma“
„Tímabil aukinnar eldvirkni“
Funda með þingflokkum
Forstjóri bendir á ábyrgð birgja vegna verðhækkana
Barn lést í árásinni
„Börn heima sem maður myndi vilja hafa í skjóli“
Var engin kristnitaka árið 1000?
„Þetta er ríkisstjórn almannahagsmuna“
