Ungversk gúllassúpa

Fyrir 8 til 10

• 1,8 kg nautakjöt, nautagúllasbitar henta hér best (má setja meira)
• 1-2 msk. hveiti
• 6-8 nýjar kartöflur
• 1-2 laukar
• 2 grænar paprikur
• 2 rauðar paprikur
• 2 msk. tómatþykkni
• 2 dósir tómatar í bitum
• 2 dósir maukaðir tómatar
• 2 l vatn (eða eftir þörfum)
• 2 tsk. nautakraftur
• 2 hvítlaukar, litlu í körfunni
• 1 ferskt chili, rautt (má sleppa og nota krydd í staðinn)
• 1 tsk. svartur pipar
• 3 tsk. paprikukrydd
• Gróft sjávarsalt eftir smekk
• Ólífuolía til steikingar eftir þörfum

Til skreytinga

• Fersk steinselja
• Eða aðrar kryddjurtir sem passa með

Aðferð:

1. Byrjið á því að skera nautakjötið í gúllasbita ef þess þarf.
2. Veltið bitunum upp úr hveiti og steikið á heitri pönnu.
3. Takið til stóran pott og setjið kjötbitana í pottinn.
4. Skerið laukinn í grófa bita og steikið á heitri pönnu með ólífuolíu.
5. Bætið lauknum í pottinn.
6. Hellið öllum tómötunum yfir kjötið og laukinn í pottinum ásamt tómatþykkninu.
7. Bætið við vatninu í pottinn ásamt nautakrafti.
8. Pressið hvítlaukinn og bætið honum út í pottinn.
9. Kryddið með öllum kryddunum.
10. Látið sjóða á meðan þið útbúið kartöflurnar.
11. Skrælið kartöflurnar og skerið í fallega bita.
12. Skerið niður paprikurnar í hæfilega stóra bita, passið að þeir séu ekki of stórir.
13. Skerið niður chili.
14. Bætið kartöflunum og paprikum í pottinn og látið malla.
15. Látið súpuna malla og taka sig við vægan hita í hálfa klukkustund eða þrjú korter.
16. Skreytið áður en súpan er borin fram, til dæmis með ferskri steinselju eða öðrum kryddjurtum ef vill.
17. Njótið við kertaljós og huggulegheit.