Matur | mbl | 2.9.2023 | 6:00 | Uppfært 9:44

Focaccia brauð til sælu

Unaðslegt focaccia brauð sem þú munt ekki standast. Unsplash/Anna Jakutajc-Wojtalik

Um helgar er ekkert betra en nýbakað, ilmandi brauð sem nærir líkama og sál. Í smiðju okkar á matarvefnum leynist þetta dásamlega focaccia brauð sem er bakað á ítalska vísu og bragðast dásamlega vel eitt og sér en líka frábært með góðum réttum af ýmsum tagi.

Focaccia brauð með ólífum

9 dl hveiti
30 g ferskt ger
½ dl ólífuolía
3 ½ dl hvítvín eða vatn
2 tsk. gott salt
14 steinlausar ólífur að eigin vali
1-2 rósmarín greinar
Sjávarsalt eftir smekk

Aðferð:

Byrjið á því að bleyta gerið í vatni og bætið olíunni út í.
Setjið hveiti og sallt í skál og bætið vökvanum út í.
Vert að hræra í hrærivél og nota hnoðara.
Hnoðið þar til deigið er laust frá skálinni.
Takið til ferkantað form og penslið með olíu.
Setjið deigið í ferkantað formið og potið ólífunum ofan í deigið, látið glitta í þær.
Setjið rósmarínkvista ofan í deigið líka.
Stráið saltflögum yfir deigið.
Látið hefast í um það bil 30 mínútur.
Þegar deigið hefur hefast í 30 mínútur, ýtið þá varlega með lófunum ofan á deigið, þannig að það falli aðeins.
Hitið bakarofninn í 190°C.
Bakið deigið í miðjum ofninum í um það bil 30 mínútur.
Takið út þegar focaccia brauðið er fallega gullinbrúnt og berið fram með því sem hugurinn girnist.