Steikt lifur að hætti ömmu Sjafnar

• Fyrir 6-8
• 2 stk. lif­ur (stórar 1,4 kg)
• 2 stk. lauk­ar, skornir í sneiðar
• 6-8 beikonsneiðar, skornar í bita
• Hveiti eft­ir þörf­um og smekk
• Vatn eft­ir þörf­um og smekk
• Sósu­jafn­ari eft­ir þörf­um og smekk
• Rauðvínssletta, má sleppa
• 2-3 stk. lárviðarlauf
• Salt og hvítur pip­ar eft­ir smekk
• Sósulit­ur eft­ir smekk
• Ólífuolía eftir smekk
• Íslenskt smjör eftir smekk 

Aðferð:

Byrjið á því að sneiða og brúna laukana á pönnu upp úr ólífuolíu og smjöri, látið krauma aðeins. 

Leggið laukinn til hliðar á disk eða fat.

Skerið beikonið í bita og steikið á pönnunni.

Takið beikonið til hliðar á disk eða fat.

Skerið lifrarnar tvær á ská, í sneiðar (það þarf ekki að himnu­hreinsa). 

Setjið síðan hveiti í skál til að velta lifrarsneiðunum upp úr og kryddið hveitið til með hvítum pipar og örlitlu salti eftir smekk.

Bræðið smjör og ólífuolíu á pönnu á meðalhita.

Veltið lifrarsneiðunum upp úr hveitiblöndunni.

Hækkið hitann á pönnunni og steikið sneiðarnar en passið vel að létt­steikja þær, það á aðeins blæða úr þeim en þær jafn­a sig þegar þær stand­a aðeins. 

Kryddið til með salti og pip­ar eftir smekk. 

Takið lifrarsneiðarnar af pönnunni og setjið á fat meðan sósan er löguð.

Takið fram góðan og stóran pott, t.d. keramik pott.

Búið til sósugrunn með vatni og hveiti eða sósu­jafn­ara og sósulit í pottinum.

Bætið síðan laukn­um, beikoni og lárviðarlaufum. 

Hellið dreitil af rauðvíni út í ef vill, má sleppa.

Bætið við sósulit og smakkið sósuna til.

Þegar þið eruð sátt við sósuna, bragð og áferð bætið þá lifrarsneiðunum út í. 

Berið fram í pottinum ásamt heimalagaðri kartöflumús úr nýjum kartöflum.

Njótið vel.