Plokkfiskur – sá gamli góði

• 450 g soðin ýsa
• 400 g kartöflur, flysjaðar, kældar og skornar í bita
• (Athugið að hér er vel hægt að nota afgangs fisk, t.d. sem geymdur hefur verið í frysti, og kartöflur sem áður hafa verið soðnar).
• ½ laukur flysjaður og saxaður mjög smátt
• 50 g smjör eða smjörlíki
• 50 g hveiti
• 3-4 dl vökvi (fiskisoð og mjólk)
• Salt og pipar (og karrí ef vill)
• Nýmalaður svartur pipar eftir smekk

Aðferð:

1. Laukurinn er kraumaður í smjörinu.
2. Hveitið sett út í og bakað upp með mjólkinni.
3. Salt og pipar (og mögulega karrí) sett út í eftir smekk.
4. Fiskurinn og kartöflubitarnir settir út í í lokin og hrærið í með sleif.
5. Berið fram með salati, rúgbrauði og smjöri.

Salat

• 4-6 gulrætur
• 1 appelsína
• 3 msk. rúsínur

Aðferð:

1. Rífið gulræturnar með rifjárni eða í matvinnsluvél.
2. Skerið appelsínurnar í bita.
3. Blandið saman í skál og berið fram með rúsínum.

Heimagert rúgbrauð

• 2 l rúgmjöl
• 1 l hveiti
• 100 g sykur
• 3 dl síróp
• 3 msk. þurrger
• 2 msk. salt
• 6 dl vatn
• 6 dl mjólk

Aðferð:

1. Öllu hrært saman, sett í smurða dós, látið standa í 6 klukkutíma.
2. Bakað við 100°C í 12 klukkustundir.