Matur | mbl | 28.10.2023 | 6:00

Húsó-smábrauðin fullkomin fyrir helgarbaksturinn

Skólameistarinn í Hússtjórnarskólanum, Marta María Arnarsdóttir, deilir hér með lesendum uppskriftinni af Húsó-smábrauðunum ljúffengu. Samsett mynd

Fastur liður á matarvefnum á laugardagsmorgnum eru Húsó-uppskriftirnar sem koma úr hinu fræga eldhúsi í Hússtjórnarskólanum við Sólvallagötu enda er mörg leyndarmál geymd þar. Skólameistarinn Marta María Arnarsdóttir deilir nú með lesendum ljúffengri uppskrift af brauðbollum sem gjarnan eru kallaðar Húsó-smábrauðin. Húsó-smábrauðin er fullkomin fyrir helgarbaksturinn hvort sem þau eru borin fram með morgunverðinum, brönsinum eða helgarkaffinu. Þau er langbest nýbökuð og ylvolg og ilmurinn er svo lokkandi þegar þau koma út úr ofninum.

Brauðbollur – Húsó-smábrauðin

50 g lint smjör eða brætt
1 ½ dl vatn eða mjólk
½ egg
2 ½ tsk. þurrger
1 tsk. sykur
200 g hveiti
50 g heilhveiti
½ tsk. salt

Aðferð:

Leysið gerið upp í volgu vatni eða volgri mjólk (37°C).
Blandið sykri, salti, smjöri og hveiti saman við.
Hrærið deigið saman með sleif eða hnoðið í hrærivélaskál þar til deigið verður samfellt og losnar frá skálinni.
Látið hefast í ½-1 klukkustund eftir aðstæðum.
Mótið bollur og látið hefast aftur í 10-15 mínútur eða setjið inn í kaldan ofn.
Gott er að pensla brauðið með mjólk eða restinni af egginu og strá fræjum yfir.
Bakið í miðjum ofni við 180°C í um það bil 10-12 mín þar til bollurnar eru orðnar fallega gullinbrúnar.
Berið fram volgar og njótið.