Nú er veturinn skollinn á í allri sinni dýrð. Það er ekki bara gróðurinn og landslagið sem breytist heldur líka matarvenjurnar. Margir fara í orkumeiri sem á við árstíðina og velja mat sem passar við veðurfar og hitastig.

Eva Dögg Rúnarsdóttir meðstofnandi & skapandi stjórnandi vellíðunarfyrirtækisins Rvk Ritual er ein af þeim sem elskar þessa árstíð og velur að borða það sem passar best við árstíðina. Eva lítur á sjálfan sig sem mikla „eldhúsnorn“ og nýtir hvert tækifæri í eldhúsinu til að heila fjölskylduna sína með ýmsum kryddum og lækningajurtum til að öllum líði sem allra best allan ársins hring.

Best fyrir heilsuna að lifa með árstíðum

Breytast matarvenjurnar á veturna?

„Já, samkvæmt ayurveda sem eru systur vísindi yoga, Þá eru haustin vata árstíð og veturinn kapha árstíð með sterkum vata tón. Ég er einmitt vata sjálf svo að haustin eru svona mín uppáhaldsárstíð. og ég held áfram að borða vata með smá kapha fram á vetur. En ég trúi því að það sé best fyrir okkur og heilsuna okkar að lifa með árstíðunum og í takt við náttúruna, að borða eftir árstíðum og staðsetningu. og auðvitað eftir þinni líkamstýpu samkvæmt bæði ayurveda og human design,“ segir Eva

„Á haustin borða ég “vata” mat þó að ég reyni nú að gera það á einhvern hátt yfir allar árstíðirnar. Ég einblíni aðallega á heitan mat og heit krydd. Ég borða mikið af súpum og heitum pottréttum og drekk mikið af te, helst úr íslenskum jurtum sem ég er búin að týna yfir sumarið. Einnig nýt ég þess að borða íslenskt grænmeti á okkar aðal uppskerutíma á haustin og draga það svo (og öll vítamínin) inn í veturinn með mér. MEð því að vera búin að gera seyði, pestó og annað úr íslenska grænmetinu.“

Dahl lætur mér líða betur í líkama og sál

Áttu þér þinn uppáhaldsvetrarétt?

„Já, ég elska Dahl og töfrandi Kitchari og svo elska ég líka allskonar næringarríkar súpur. En Dahl er svona réttur sem lætur mér alltaf líða betur í líkama, huga og sál. Fullkomið að borða við kertaljós í íslenskri lægð og finna næringuna flæða inn í allar frumur líkamans.“

Er einhver saga bak við réttinn?

„Nei, þetta er bara mín eigin útgáfa af indversku dahli. Hún er alls ekk hefðbundin. Mér finnst svo gott að gera risastóran pott og geyma svo afganginn í frysti svo dreg ég hann fram af og til og bæti endalaust í af einhverju nýju svo Dahlið þróast svona eftir mínu skapi og mínum fíling. Ég bæti því við sem fjölskyldan þarf af heilsubætandi kryddum, grænmeti og oft baunum líka. Dahl-ið geri ég alltaf með rauðum linsum en oft bæti ég við kjúklingabaunum eða smjörbaunum við, einnig er gott að saxa hvítkál ofan í eða spínat os.frv.. Um að gera að nota ímyndunaraflið.  Allir í fjölskyldunni borða þetta af bestu lyst og ekki síst yngsti fjölskyldumeðlimurinn sem er ekki nema 17 mánaða. Fullkomið að „fela“ allskonar hollt og gott í þessu.

Eva sviptur hulunni af uppskriftinni

Eva sviptir hér hulunni að uppskriftinni fyrir lesendur og hvetur alla til að prófa. Hvað varðar magn að hverju segir Eva að vert sé nota innsæið og betrum bæta að vild. Fyrir áhugasama er að hægt að fylgja Evu á Instagram bæði á @evadoggrunars og @rvkritual

Lostæti þessi fallegi og litríki indverski réttur hjá Evu. mbl.is/Árni Sæberg

Tengdar fréttir

Uppskriftir

Þetta voru vinsælustu súpurnar hjá lesendum

• „Borða ekki fisk og mun líklega aldrei gera það“
• Smáréttur með saffrankjúklingi
• Epla-, myntu- og engiferkokteill sem steinliggur fyrstu helgi ársins
• Guðdómlega góð ísterta sem allir verða ástfangnir af

» Fleiri tengdar fréttir

• Blogga um frétt