Matur | mbl | 15.11.2023 | 14:15

Er þetta girnilegasti jólakransinn sem má borða?

Helga Magga er búin að gera sinn jólakrans sem má borða. Ótrúlega girnilegur, hollur og næringarríkur þessi mozzarellaostakúlukrans. Samsett mynd

Jólin nálgast og þá fer hugurinn á flug hvað sé hægt að útbúa og bjóða upp á að snæða í aðventunni og yfir hátíðirnar. Gaman er að geta boðið vinum og vandamönnum upp á næringarríka forrétti eða meðlæti með jólamatnum, í jólaboðið eða hittinginn sem gleðja bæði augu og mun. Þennan girnilega jólakrans setti heilsumarkþjálfinn Helga Magga saman og sjá má mozzarellakúlur henta einstaklega vel í fallegan og bragðgóðan jólakrans.

Mozzarella jólakrans

2 box mozzarellakúlur
2 box litlir tómatar
Klettasalat eftir smekk
Fersk basilíka eftir smekk
Ólífuolía
Balsamik gljái

Aðferð:

Byrjið á því að raða klettasalatinu í hring á kringlóttan disk eða stærri flöt.
Magnið fer algjörlega eftir stærð.
Í hringinn á myndinni eru notaðar venjulegar mozzarellakúlur og einnig mozzarellakúlur með basilíku sem var raðað á hringinn.
Hellið ólífuolíu og balsamik gljáa yfir eftir smekk.
Berið fram og njótið.