Matur | mbl | 20.11.2023 | 14:00

Ljúffengt og hollt kjúklinga-bix

Girnilegar þessar kjúklingabringur og ótrúlega einfalt er að útbúa þennan rétt. Ljósmynd/Heiðrún

Langar ykkur í ljúffengan og hollan kjúklingarétt? Þá er þessi málið. Þessi uppskrift er alveg frábær, kjúklingnum er velt upp úr jógúrti og Weetabix og hann bakaður inni í ofni. Síðan er upplagt að bera hann fram með fersku salati að eigin vali. Þetta gerist ekki einfaldara, hráefnalistinn er stuttur og innkaupin hagkvæm fyrir budduna.

Kjúklinga-bix

1 ½ Weetabix
1 msk. grísk jógúrt
2 kjúklingabringur
25 g brauðraspur
Salt og pipar eftir smekk
Salat að eigin vali

Aðferð:

Hitið ofninn í 220°C hita.
Setið jógúrtið í skál og veltið kjúklingnum vel upp úr því.
Blandið raspinum og Weetabix saman í skál og kryddið eftir smekk.
Veltið kjúklingnum upp úr blöndunni.
Setið kjúklinginn í eldfast mót og bakið í um 25 mínútur þar til hann er eldaður.
Hægt er að fylla bringurnar með spínati, hnetum og fetaosti á tyllidögum.
Borið fram með fersku salati að eigin vali.
Njótið vel.