Grétar komst áfram og keppir til úrslita
Setja bókamerki
Í gær fóru fram undanúrslit á Heimsmeistaramóti barþjóna og tryggði fulltrúi Íslands, Grétar Matthíasson, sér sæti í úrslitum. Fram undan hjá Grétari eru skriflegt þekkingarpróf, bragð- og lyktarpróf ásamt hraðaprófi þar sem hann þarf að framreiða fimm kokteila á sem skemmstum tíma.
Keppnin fer fram í Róm
Eins fram hefur komið í Matarvef mbl.is þá fer Heimsmeistaramót barþjóna fram í Róm á Ítalíu þessa dagana og hófst þann 28. nóvember og stendur til 2. desember næstkomandi. Það er 17 manna sendinefnd sem kemur frá Íslandi á keppnina og fulltrúi Íslands er Grétar Matthíasson en hann hreppti Íslandsmeistaratitilinn fyrr á þessu ári og vann sér um leið þátttökurétt í heimsmeistaramótið.
Keppt var í sex flokkum
Grétar keppti með drykkinn sinn Candied Lemonade í flokkinum um besta eftirréttakokteilinn en hann inniheldur:
- Luxardo Limoncello
- Grand Marnier
- Ferskan sítrónusafa
- Heimagert síróp úr Xanté
Á Heimsmeistaramóti barþjóna koma fram keppendur frá 67 löndum sem etja kappi, en keppt er í sex flokkum barmennsku:
- Before dinner cocktails
- Sparkling cocktails
- Long drink cocktails
- Low abv (kokteilar sem innihalda lágt innihald vínanda en eru samt sem áður ekki óáfengir)
- After dinner cocktails (flokkurinn sem Grétar keppti í og tryggði sér sæti í undanúrslitum)
Þrír efstu keppa til úrslita
Þrír efstu í þessum flokkum fara áfram í undanúrslit þar sem 15 keppa í lyktar- og bragðprófum, skriflegu prófi og hraðkeppni. Þrír efstu komast síðan í úrslit þar sem er keppt í „Mystery basket“ og besti kokteillinn í þessari lokakeppni vinnur heimsmeistaratitilinn.
Var engin kristnitaka árið 1000?
Beint: Ný ríkisstjórn tekin við völdum
„Mér finnst gamla Samfylkingin komin aftur“
Víkingar komnir yfir 800 milljónir í greiðslur
„Börn heima sem maður myndi vilja hafa í skjóli“
„Tímabil aukinnar eldvirkni“
Fyrsti blaðamannafundurinn í heild sinni
Alvarleg netárás á Wise
