Frönsk súkkulaðikaka á aðfangadagskvöld
Marta María Arnarsdóttir skólameistari í Hússtjórnarskólanum ljóstrar hér uppskriftinni að frönsku súkkulaðikökunni sinni sem hún mælir með í eftirrétt á aðfangadagskvöld.
Samsett mynd
Setja bókamerki
Tengdar fréttir
Bakstur
Marta María Arnarsdóttir skólameistari í Hússtjórnarskólanum ljóstrar hér uppskriftinni að sinni uppáhaldssúkkulaðiköku sem hún ætlar að vera með á aðfangadagskvöld. „Þessi er snilld sem eftirréttur á aðfangadagskvöld því hún er alveg jafngóð í marga daga. Hægt er að gera hana 1-3 dögum fyrir aðfangadagskvöld og hún er alveg jafn góð. Þá lendir maður ekki í neinu stressi á aðfangadag,“ segir Marta María. Þessa uppskrift er ég búin að fullkomna með því að blanda því besta saman úr nokkrum uppskriftum og ég er ótrúlega ánægð með útkomuna.“
Franska súkkulaðikakan stendur fyrir sínu.
mbl.is/Eggert Jóhannesson
Frönsk súkkulaðikaka
- 4 egg
- 200 g súkkulaði
- 200 g smjör
- 160 g sykur
- ¾ dl hveiti
Aðferð:
- Byrjið á því að hita ofninn í 160°C hita.
- Þeytið saman egg og sykur.
- Bræðið saman súkkulaðið og smjör.
- Bætið súkkulaðiblöndunni saman við og þeytið saman.
- Blandið hveitinu saman við með sleikju.
- Smyrjið kringlótt kökuform og setjið blönduna í formið og bakið við 160°C í 25-27 mínútur.
Krem:
- 100 g súkkulaði
- 1 dl rjómi
Aðferð:
- Bræðið súkkulaðið og rjómann saman.
Samsetning:
- Setjið frönsku súkkulaðikökuna á fallegan kökudisk og hellið súkkulaðikreminu yfir og dreifið úr því.
- Berið fram og njótið með ykkar besta fólki.
Tengdar fréttir
Bakstur
Segir umsókn að ESB vera óvirka
Strandveiðar í forgangi
Hellisheiði og Þrengsli ekki opnuð í dag
Feðgar saman í Grænlandstúr á jólum
Clinton fluttur á sjúkrahús
/frimg/1/41/23/1412311.jpg)
Segja Kínverja hindra framgöngu réttvísinnar