Matur | mbl | 10.1.2024 | 6:00

Þetta eru bestu barirnir í Munchen

Munchen er uppfull af mjög góðum pöbbum til að þjóra bjór eða dreypa á léttvíni og kokteilum. Samsett mynd

Ertu á leiðinni til Munchen að fylgja „Strákunum okkar“ í karlalandsliðinu á EM í handknattleik? Þá er mjög líklegt að stuðningsmenn íslenska landsliðsins vilji koma við á öldurhúsum Munchen borgar og keyra stuðið í gang. Að þjóra bjór á sér langa sögu í Þýskalandi og þú verður ekki fyrir vonbrigðum. Munchen er uppfull af mjög góðum pöbbum til að þjóra bjór eða dreypa á léttvíni og kokteilum.

Í Munchen eru alls kyns barir, flottir kokteilbarir, útibjórgarðar eða notalegir matarpöbbar. Drykkjarmenning Munchen borgar er óviðjafnanleg og hún hefur tilhneigingu til að bjóða upp á nokkuð bragðgott barsnarl líka. Hér eru bestu barirnir í München, fyrir allar tegundir drykkjum.

Die Goldene Bar

Goldene Bar á Haus der Kunst safninu er yndislegur bar innan sem utan. Einstaklega glæsilegur og fallega innréttaður bar og þægilegt andrúmsloft með gott úrval af gini. Í dag blandar Golden Bar saman fortíð og nútíð í húsgögnum og á matseðli. Sjá hér.

Goldene Bar á Haus der Kunst safninu er yndislegur bar innan sem utan.

Zephyr Bar

Ef þú hefur ekki heyrt það, þá er þýskt gin mikið mál þessa dagana og Zephyr er með úrvals úrval, allt frá staðbundnu Duke Munich Dry Gin til Monkey 47 Schwarzwald. Falinn demantur, mjög notalegur, lítill en glæsilegur bar, mjög nálægt neðanjarðarlestarstöðinni. Einstakir kokteilar og mjög vinalegt starfsfólk. Sjá hér.

Falinn demantur, mjög notalegur, lítill en glæsilegur bar, mjög nálægt neðanjarðarlestarstöðinni.

Augustiner-Keller

Augustiner-Keller, hefur hellt upp á freyðandi öl síðan 1812 og heldur áfram að vinna til fjölda verðlauna fyrir fína bæverska hefðir og matargerð. Það eru útisæti fyrir 5.000 manns undir glæsilegum kastaníutrjám garðsins. Það er líka nóg af hlýjum rýmum fyrir kaldari daga. Bjórinn er geymdur í og borinn fram beint úr risastórum viðartunnum. Sjá nánar hér.

Augustiner-Keller, hefur hellt upp á freyðandi öl síðan 1812 og heldur áfram að vinna til fjölda verðlauna fyrir fína bæverska hefðir og matargerð

Bar Garçon

Þar er einungis hrærður en ekki hristur Martini. Bar Garçon er lítill og nettur bar á milli Gärtnerplatz og Viktualienmarkt fyrir þá sem þekkja til. Skemmtilegt og þægilegt andrúmsloft. Klassík eins og Negroni eða Manhattan kokteilar eru á boðstólnum og það er líka gott úrval af vínum. Sjá nánar hér.

Bar Garçon er lítill og nettur bar á milli Gärtnerplatz og Viktualienmarkt fyrir þá sem þekkja til.

Zum Wolf

Zum Wolf sækir innblástur frá „klassískum amerískum kokteilbarum og suðrænum juke-barum“ og er léttari en bæverski bjórkjallarinn. Þessi hógværi bar er upplýstur í rauðum ljóma og er vinsæll staður fyrir skemmtikrafta. Flest brennivín sem boðið er upp á er flutt inn frá Kentucky og Tennessee, en kokteillistinn er hnitmiðaður en fullur af ánægju. Nokkrir bjórar og vín eru einnig í boði. Músíkin spannar sálar og blús frá 5. og 6. áratugnum. Sjá hér.

Þessi hógværi bar er upplýstur í rauðum ljóma og er vinsæll staður fyrir skemmtikrafta.

Pfälzer Residenz Weinstube

Nýklassískar súlur sem teygja sig upp í átt að bogadregnum loftum, flísalögð gólfin og stór borð setja svip sinn á staðinn þegar Pfälzer Residenz Weinstube er heimsóttur. Þessi glæsilegi vínbar-veitingastaður er staðsettur í fyrrum konungsbústað í miðbænum. Í kjallarahvelfingunni sem eru aldar gamlar eru allt að 60.000 flöskur geymdar við bestu aðstæður, stöðugur raki og hitastig. Allt frá ódýru flöskuvíni til eðal vína frá Pfalz. Sjá meira hér.

Þessi glæsilegi vínbar-veitingastaður er staðsettur í fyrrum konungsbústað í miðbænum.

Ella

Ella er stílhreinn bar og veitingastaður á jarðhæðinni í Lenbachhaus safninu er fullkominn staður til að svala þorsta fyrir eða eftir expressjónisma á milli landsleikja. Hvort sem það er fyrir smá snarl, gott vínglas á einstöku veröndinni hjá Ella bar þá er jafnframt hægt að njóta frábærs útsýnis yfir hið nýklassíska Königsplatz í borginni.

Ella er stílhreinn bar og veitingastaður á jarðhæðinni í Lenbachhaus safninu er fullkominn staður til að svala þorsta fyrir eða eftir expressjónisma á milli landsleikja.

Bayerischer Hof þakbarinn

Bayerischer Hof er eitt virtasta hótel Þýskalands. Á þakveröndinni og Blue Spa Barnum er að öllum líkindum boðið upp á besta barútsýni yfir borginni. Þetta glæsihótel býður upp á kampavínsmorgunmat, stórkostlegan hádegismat, kvöldverð og grillveislur. Veröndin er frábær staður til að slaka á með bæverskum bjór, eðalvínum eða kokteilum. Bæði heimamenn og gestir fara til Bayerischer Hof fyrir úrvalið af börum og veitingastöðum sem eru á hótleinu. Palais Keller býður upp á bæverskan bjór og Falk's Bar á jarðhæð, sem lifði af sprengjuárásir á stríðstímum, sérhæfir sig í kokteilum og þar á meðal jafnframt úrvali af kampavíni. Sjá nánar hér.