Matur | mbl | 15.1.2024 | 6:00

Glænýr vikumatseðill í boði Söndru Erlings

Sandra Erlingsdóttir landsliðskona og atvinnumaður í handbolta býður upp á vikumatseðilinn að þessu sinni. Ljósmynd/Sandra Erlings

Sandra Erlingsdóttir landsliðskona og atvinnumaður í handbolta á heiðurinn af vikumatseðlinum að þessu sinni. Hún leggur áherslu á að borða hollan og góðan mat og velja næringu sem gefur henni orku út daginn.

Búsett í Þýskalandi með kærastanum sínum

Sandra er búsett í Þýskalandi ásamt kærastanum sínum, Daníel Þór Ingasyni en þau eru bæði atvinnumenn í handbolta. Sandra spilar með Tussies Metzingen og Daníel spilar með HBW Balingen-Weilstetten. Hún er einnig eigandi næringarþjálfunarinnar Ps. Árangurs sem er næringarþjálfun fyrir fólk á öllum aldri.

Leyfi mér allt í hófi

Aðspurð segir Sandra að öll hennar helstu áhugamál snúist um hreyfingu, mataræði og öllu í raun sem tengist heilbrigðum lífsstíl. „Ég hef talið macros í mörg ár sem hjálpar mér að fá inn nóg af næringu úr hverjum næringarflokk fyrir sig sem er mjög mikilvægt að hafa í huga þegar við nærumst. Það hefur hjálpað mér að komast í heilbrigt samband við mat og átta mig á því að maður verður að borða nóg og vel til að ná sínum markmiðum. Ég tel nú ekki macros alla daga ársins en eftir að hafa talið í nokkur ár tel ég mig vera með ótrúlega góða stjórn á mínu mataræði og leyfi ég mér orðið allt í hófi,“ segir Sandra.

Er með næringarþjálfunina Ps. Árangur

Sandra er búin að setja saman girnilegan vikumatseðil fyrir lesendur sem er sérstaklega góður fyrir þá sem vilja ná árangri á æfingum samhliða því að hugsa um líkamann og þá orku sem hann þarf. Hægt er að fylgjast með Söndru og því sem hún er að gera í næringaþjálfuninni Ps. Árangur hér.

Mánudagur – Lax að hætti eldhúsgyðjunnar

„Ekkert betra en að byrja nýja viku á góðum fisk.“

Girnilegur laxinn. Ljósmynd/Nigella Lawson

Frétt af mbl.is

Mirin gljáður lax að hætti eldhúsgyðjunnar

Þriðjudagur – Sterkur núðluréttur að hætti Söndru

„Hér er uppskrift að mínum eigin núðlurétt sem er sterkur og rífur. Hann er í algjöru uppáhaldi hjá mér er fullkominn á þriðjudagskvöldi.“

Núðlurétturinn hennar Söndru er í miklu uppáhaldi hjá henni. Ljósmynd/Sandra Erlingsdóttir

Núðluréttur Söndru

Fyrir 5 (5 skammtar)

600 g kjúklingur að eigin vali
Krydd fyrir kjúklinginn að eigin vali
1 msk. hvítlauks paste (hvítlauksmajó)
1 msk. sriracha sósa
50 ml létt sojasósa
1 tsk. chilli flögur

Kremuð sósa

30 g létt smjör
12 g saxaður hvítlaukur (2 rif)
1 msk. tómat paste
80 ml létt sojasósa
300 ml Léttmjólk eða mjólk að vild
30 g léttur rjómaostur
20 g rifinn parmesanostur

Núðlur

750 g eldaðar núðlur eða um 250 g óeldaðar

Aðferð:

Byrjið á því að að blanda saman öllum innhaldsefnunum fyrir kjúklinginn í skál, bætið síðan við kjúklingnum í og veltið honum upp úr sósunni þangað til hann er allur í sósunni.

Steikið hann á pönnu með sprey-olíu þar til hann er orðinn gullinn brúnn, einnig hægt að elda í ofni eða í airfryer.

Bætið við á miðlungsheita pönnu innihaldsefnunum úr sósunni þar til allt er orðið vel blandað.

Bætið síðan við um það bil 750 g af elduðum núðlum og hrærið saman.

Í lokinn bætið við eldaða kjúklingnum, blandið saman og látið malla í um það bil 5 mínútur eða þar til rétturinn er orðinn kremaður.

Skiptið síðan réttinum niður í 5 parta (eða færri) og geymið í ísskáp í allt að 3 daga eða í frysti í allt að 3 mánuði. Þá getið þið fengið ykkur einn skammt í senn ef vill.

Sjá réttinn hér líka: