Lasanja að hætti Lindu Ben

• ½ laukur
• 3 gulrætur
• 150 g sveppir
• 200 g brokkolí
• U.þ.b. 1 msk. smjör eða olía til að steikja upp úr
• U.þ.b. 5-6 hvítlauksgeirar
• 500 g ungnautahakk
• 1 msk. oreganó
• Salt og pipar eftir smekk
• 1 tsk. timian
• 2 tsk. basil
• 2 dósir (hver dós 400 g) niðursoðnir Mutti tómatar ef vill
• 1 krukka (400 g) Basilico tómatpastasósa frá Barilla ef vill
• Lasanjablöð frá Barilla ef vill
• 400 g rifinn hreinn mozzarella-ostur 

Aðferð:

1. Skerið niður laukinn, gulræturnar, sveppina og brokkolíið. Setjið á pönnu og steikið létt upp úr smjöri eða olíu.
2. Rífið hvítlauksgeirana út á pönnuna með rifjárni.
3. Bætið nautahakkinu á pönnuna og kryddunum, steikið þar til kjötið er steikt í gegn.
4. Skerið niðursoðnu tómatana niður og bætið þeim svo út á pönnuna ásamt safanum af þeim sem er í dósinni.
5. Bætið einnig pastasósunni út á pönnuna og látið malla í smá stund, smakkið til og bætið við meira af kryddunum ef ykkur finnst vanta.
6. Kveikið á ofninum og stillið á 190°C, undir- og yfirhita.
7. Takið stórt eldfast mót, mitt er 36×23 cm, setjið kjötsósu í botninn á forminu þannig að það þeki botninn en þunnt. Setjið lasanjablöð ofan á og aftur þunnt lag af kjötsósu svo það þeki lasanjablöðin.
8. Setjið aftur lasanjablöð yfir, setjið svo rifinn ost yfir lasanjablöðin og svo kjötsósu, endurtakið þar til kjötsósan er búin, efst á að vera kjötsósa og rifinn ostur ofan á henni.
9. Bakið lasanjað í u.þ.b. 30 mínútur eða þar til osturinn er byrjaður að brúnast og lasanjablöðin orðin mjúk þegar stungið er í lasanjað.
10. Takið lasanjað út úr ofninum og leyfið því að jafna sig í u.þ.b. 15 mínútur áður en það er skorið i það.
11. Berið fram með því sem ykkur langar til.