Gleðin við völd í opnunarpartí 2Guys

Þriðji veit­ingastaður­inn, 2Guys, opn­aði á föstu­dag­inn 19. janú­ar síðastliðinn við Ægissíðu 123 í Vesturbæ Reykjavíkur við mikinn fögnuð Vest­ur­bæ­ing­a. Opnunarpartí var haldið í tilefni þessa þar sem boðið var upp á smassborgarana sem hafa slegið í gegn. Gestir fjölmenntu og gæddu sér á hamborgurunum.

Markmiðið að bjóða upp á bestu smassborgarana

Markmiðið hefur frá upp­hafi verið að bjóða upp á allra bestu smassborgara sem völ er á, á Íslandi og þótt víðar væri leitað að sögn Hjalta Vignissonar framkvæmdastjóra og eiganda 2Guys. Staðurinn hlaut viður­kenn­ingu Reykja­vík Grapevine 2022 sem „Best newcomer“ í borg­ara­sen­unni og 2023 sem „Best burger of Reykja­vík“ sem er mikill heiður fyrir staðinn.

Hjaltason Special borgarinn með 5 ostsneiðum

Aðspurður segir Hjalti að Hjaltason Special hamborgarinn sé sam­spil frá­bæra úr­vals­hrá­efna ásamt ríf­legu magni af osti, borg­ar­inn inni­held­ur fimm ostsneiðar sem ger­ir hann ein­stak­an. Hjalta­son Special sem er leynd­ar­dóms­fulli borg­arinn, „sectret menu“, og er ekki á mat­seðil held­ur verður fólk að biðja sér­stak­lega um hann. „All­ar sós­ur eru lagaðar frá grunni inn­an­húss, 2Guys teymið býr sjálft til kúl­ur úr kjöt­inu til að smassa það,“ segir Hjalti.

Ljósmyndarinn Morgunblaðsins, Árni Sæberg, mætti á svæðið og fangaði stemninguna á grillinu og inni á staðnum í tilefni opnunarteitisins þar sem gleðin var við völd.