Núðlusalat með hnetudressingu

Fyrir 4-6

• 200 g eggjanúðlur
• 1 pk. Ali Sous Vide kjúklingabringur með hvítlauk og smjöri (um 500 g)
• 100 ml teriyaki sósa
• 250 g gulrætur
• 250 g rauðkál
• 250 g agúrka (um ¾ af gúrku)
• Romaine salat (einn haus)
• ½ límóna (safinn)
• 1 lúka saxaður vorlaukur
• 1 lúka saxað kóríander
• 1 lúka saxaðar jarðhnetur
• Ólífuolía
• Hnetudressing (sjá uppskrift hér að neðan)

Aðferð:

1. Sjóðið eggjanúðlur eftir leiðbeiningum á pakka og kælið síðan alveg.
2. Gott er að hella smá ólífuolíu yfir þær í sigtinu þegar þið takið vatnið frá og hrista inn í þær svo þær klessist ekki saman á meðan þær bíða.
3. Skerið kjúklingabringurnar niður og hitið við meðalhita á smá ólífuolíu, hellið síðan teriyaki sósunni yfir og hitið saman í 1-2 mínútur.
4. Slökkvið á hellunni og geymið kjúklinginn þar til setja á salatið saman.
5. Skerið gulrætur, rauðkál og agúrku í fína strimla.
6. Saxið niður romaine salat og kreistið safann úr hálfri límónu yfir allt.
7. Bætið kjúklingnum saman við og hluta af hnetusósunni og blandið öllu varlega saman.
8. Toppið með vorlauk, kóríander og jarðhnetum eftir smekk ásamt meiri hnetusósu.

Hnetudressing

• 6 msk. hnetusmjör
• 2 msk. sojasósa
• 3 msk. hunang
• 2 msk. sesamolía
• ½ msk. hvítvínsedik
• 1 tsk rifið engifer
• 3 hvítlauksrif (rifin)
• Chilli- eða Cheyenne pipar (má sleppa)

Aðferð:

1. Pískið öll hráefni saman í skál og setjið á salatið eftir smekk.