Íslenska kokkalandsliðið hreppti gullið fyrir fyrstu keppnisgreinina sem það keppti í á Ólympíuleikunum í Stuttgart í gær. Gull árangur í fyrstu keppnisgrein styrkir líkurnar á því að liðið nái markmiðum sínum á leikunum en liðið ætlar sér eitt af þremur efstu sætunum. Þetta er framúrskarandi árangur og allir að springa úr stolti.

Liðið kom til Þýskalands á föstudag og á laugardag voru leikarnir settir. Í dag undirbýr liðið svo næstu keppnisgrein en hún fer fram á morgun og spennan er hámarki. Ólympíuleikar matreiðslufólks í Stuttgart í fullum gangi þessa stundina og allt gekk eins í sögu í fyrstu greininni hjá íslenska kokkalandsliðinu eins áður sagði.  

Keppnisgreinin í gær kallast „Chef’s table“ en þá framreiðir landsliðið 7 rétta matseðil fyrir 12 gesti. Keppnisgrein morgundagsins er það sem kallar er „Restautant of nations” sem er þriggja rétta kvöldverður fyrir 110 gesti. Það er góður andi í hópnum eftir gærdaginn í Stuttgart eru nú saman komnir um það bil fimmtíu aðstandendur og vinir keppanda sem styðja hópinn dyggilega.

Hér má sjá myndir frá gærdeginum úr keppnisbúrinu.