Matur | mbl | 14.2.2024 | 6:00

Helga Magga er líka rómantísk og gerir ástargraut

Helga Magga töfrar fram rómantískan morgunverð fyrir ástina sína. Samsett mynd

Valentínusardagur er runninn upp í allri sinni dýrð og í tilefni dagsins gerði Helga Magga heilsumarkþjálfi ástar-chiagraut. Helga Magga er sniðugri en flestir þegar gera á einfalda og góða rétti sem kosta ekki mikið. Þetta er stórsniðug hugmynd og vel má nýta þessa uppskrift á konudaginn líka eða bara þegar þig langar til að gleðja ástina í lífi þínu. Sjáið Helgu Möggu gera ástar-chiagrautinn hér fyrir neðan á Instagram-síðu sinni.

Ástar-chiagrautur

100 g jarðarber
1 dl mjólk
100 g jarðarberja- og hvítt súkkulaði skyr
1 msk. jarðarberjasulta frá Good Good
2 msk. chiafræ

Til skrauts:

Döðlur með hindberja og lakkrísbragði frá Dave&Jon’s
Jarðarberjasírópi frá Good Good

Aðferð:

Blandið öllum innihaldsefnunum nema chiafræjunum, saman í blandara.
Setjið 2 msk. chiafræ í skál og hellið svo jarðarberjablöndunni saman við.
Hrærið vel saman og geymið blönduna í ísskáp yfir nótt eða í um 4 klukkustundir.
Skerið síðan jarðarber í hjarta og raðið inn í glerkrukku eða skál.
Hellið jarðarberjablöndunni yfir og toppað með smá meira af skyri, niðurskornum döðlum og jarðarberjasírópi.