Mexíkósk rúlluterta

• 1 rúllutertubrauð
• 300 g kjúklingur, skorinn niður í bita (1 ½ bringa)
• Fajitas krydd, eftir smekk
• 1 rauð paprika, skorin í bita
• 100 g maískorn
• 200 g salsasósa (salsasósurnar í litlu krukkum 230 g, má nota alla)
• 200 g rjómaostur
• 200 g rifinn ostur
• Nachos flögur eða Doritos eftir smekk
• Ferskt kóríander
• ½  avókadó
• 1 límóna

Aðferð:

1. Byrjið á að skera niður kjúkling og papriku og steikið á pönnu með smá olíu.
2. Þegar kjúklingurinn er orðinn vel steiktur, bætið þá saman við maískornunum.
3. Ef þið notið tilbúinn kjúkling þá tekur þetta styttri tíma.
4. Bætið rjómaostinum saman við og salsasósunni og látið malla í smá stund.
5. Saxið niður smá af ferskum kóríander og bætið saman við (má sleppa).
6. Fletjið rúllutertubrauðið út á ofnplötu klædda bökunarpappír og dreifið fyllingunni jafnt yfir, síðan ostinum.
7. Rúllið brauðinu vel upp og setjið restina af salsasósunni og ostinum yfir.
8. Stráið nachos flögum yfir í lokin eða raðið upp eftir smekk.
9. Bakið í ofni við 180°C  hita í um það bil 18-20 mínútur.
10. Skreytið síðan með fersku kóríander, límónusneiðum og ferskum avókadósneiðum.
11. Berið fram og njótið.