Grillaðar blómkáls „steikur“ með bleikri sósu

• 1 blómkálshaus
• 3-4 msk. ólífuolía
• 1 hvítlauksrif, pressað
• ½ tsk. Grænmetisparadís (kryddblanda frá Kryddhúsinu)
• Hvítlauks salt eftir smekk
• Pipar eftir smekk

Meðlæti og til skrauts:

• Salat að eigin vali
• Sprettur að eigin vali
• Granateplafræ
• Bleik tahini sósa (uppskrift fyrir neðan)
• Sterk basil dressing (uppskrift fyrir neðan)

Aðferð:

1. Skerið blómkálið í sneiðar eða í „steikur“.
2. Setjið á ofnplötu klædda bökunarpappír.
3. Hellið ólífuolíu í litla skál, pressið hvítlauksrifið ofan í, hrærið og berið á blómkálið og kryddið til eftir smekk.
4. Bakið blómkáls „steikurnar“ í 200°C hita í bakarofni í um það bil 10-15 mínútur.
5. Snúðið síðan við blómkálinu og bakið í 10-15 mínútur til viðbótar eða þar til blómkálið er orðið gullinbrúnt.
6. Útbúið síðan bleiku tahini sósuna og grænu sterku basil dressinguna á meðan blómkálið bakast í ofninum. Sjá uppskriftir hér fyrir neðan.
7. Þegar grillaða blómkálið er tilbúið ásamt sósunum er næst skref að bera réttinn fram.
8. Setjið smá grænt salat á disk, síðan bakaða blómkálið, setjið loks með bleiku og grænu sósurnar ofan á ásamt smá  af sprettum og granateplafræjum.

Bleik tahini sósa

• 2 miðlungs stórar rauðrófur (ferskar og afhýddar)
• ½ bolli vatn
• ¼ bolli tahini
• 2 msk. ólífuolía
• 2 msk. grísk jógúrt
• Safi úr ½ sítrónu
• 1 msk. akasíuhunang
• 1 hvítlauksrif
• Smá salt og pipar

Aðferð:

1. Setjið allt hráefnið í góðan blandara og blandið vel saman.
2. Setjið í skál.

Sterk basil dressing

• 1 box ferskt basil
• Smá fersk steinselja
• Smá ferskt kóríander
• Smá klettasalat
• 1 hvítlauks rif
• Smá skvetta af sítrónu
• 1 ½ msk. næringarger
• 3-4 msk. chili kasjúhnetur
• 1/4 - 1/2 bolli vatn
• 2 msk. ólífuolía
• Salt eftir smekk
• Pipar eftir smekk

Aðferð:

1. Setjið allt hráefnið í góðan blandara og blandið vel saman.
2. Setjið í skál.