Mat­ar­hátíðin Food & Fun var hald­in með stæl í síðustu viku og var það í 21. skipti sem þessi skemmti­lega hátíð er hald­in á veit­inga­stöðum víðs veg­ar um höfuðborg­ar­svæðið. Fólk var greini­lega til­búið í þessa mat­ar- og drykkjar­veislu því all­ir staðirn­ir sem tóku þátt í hátíðinni voru upp­bókaðir alla daga og virt­ust gest­ir al­mennt mjög ánægðir með það sem í boði var.

Hinn eft­ir­sótti Reyka Vod­ka kokteil­bik­ar

Sam­hliða mat­ar­hátíðinni var keppt um hinn eft­ir­sótta Reyka Vod­ka kokteil­bik­ar en marg­ir af þekkt­ustu barþjón­um lands­ins hafa unnið hann síðustu ár og því var mik­il eft­ir­vænt­ing í loft­inu hver stæði uppi sem sig­ur­veg­ari ár. Það var í hönd­um Barþjóna­klúbbs Íslands að sjá um utanum­hald á keppn­inni en þeir sem sátu í dóm­nefnd voru Valtýr Berg­mann frá Dineout sem ein­mitt var einn af styrkt­araðilum Food & Fun, Ingi Sig­urðsson en hann hef­ur unnið á The Avi­ary í Chicago og var með Pop-up á Tip­sy yfir Food & Fun, Eva Marín rekstr­ar­stjóri á Ein­stök Bar og Fann­ar Al­ex­and­er Ara­son eig­andi Klaka­vinnsl­unn­ar.

Steinþór Helgi frá Skreið fór með sig­ur að hólmi

Þrír kepp­end­ur komust áfram í úr­slit í aðal­keppn­ina sem hald­in var á Tip­sy á laug­ar­dag­inn síðastliðinn. Það voru Steinþór Helgi frá Skreið, Daní­el frá Sus­hi Social og Lára frá La Prima­vera og reynd­ist það dóm­nefnd ekki auðvelt að velja á milli þess­ara þriggja frá­bæru kokteila sem þríeykið fram­reiddi. Lokapartí kokteil­keppn­inn­ar var svo haldið á Sæta svín­inu og var sig­ur­veg­ari keppn­inn­ar kunn­gerður þar með pomp og prakt fyr­ir fullu húsi. Sá sem bar sig­ur úr být­um var Steinþór Helgi frá Skreið og fékk hann hinn eft­ir­sótta Reyka Vod­ka kokteil­bik­ar ásamt ferð til heims­borg­ar­inn­ar Lund­úna þar sem hann mun fræðast um bar sen­una þar í borg und­ir leiðsögn Brand Ambassa­dors Reyka Vod­ka.