Ef þig vant­ar inn­blást­ur að því hvernig megi skreyta heim­ilið fyr­ir pásk­ana og dekka mat­ar­borðið fyr­ir páska­máltíðina þá er inn­lit til Svönu Lovísu Kristjáns­dótt­ur góð hug­mynd. Svana er fag­ur­keri fram í fing­ur­góma og sniðugri en flest­ir þegar kem­ur að því að skreyta og leggja fal­lega á borð fyr­ir hátíðleg til­efni eins og pásk­ana.

Svana er menntuð sem upp­lif­un­ar og vöru­hönnuður og starfa við efn­is­gerð m.a. fyr­ir sam­fé­lags­miðla og bloggið sitt Svart á hvítu sem hún byrjaði með fyr­ir 15 árum síðan þar og á In­sta­gram sýni hún frá ýmsu tengdu heim­il­um og hönn­un í bland við per­sónu­legt efni. Svana starfa einnig sem viðburðar­hönnuður og fjöl­miðla/​sam­fé­lags­miðla­stjóri fyr­ir Epal. Þegar verk henn­ar eru skoðuð er eng­inn vafi á því að hún kann sitt fag og ástríðan fyr­ir því sem hún er að gera renn­ur í blóðinu.

Blóm svo mik­ill vor­boði                                             

Þegar Svana er beðin um að lýsa páskaþem­anu sínu á ár stend­ur á ekki svör­um. „ Ég á ótrú­lega mikið magn af fal­leg­um ei­lífðarblóm­um sem ég hef ný­lega verið að nota í alls kyns blóma­skreyt­ing­ar sem ég útbý fyr­ir viðburði og veisl­ur fyr­ir bæði fólk og fyr­ir­tæki. Núna akkúrat var ég með svo mörg af blóm­un­um mín­um heima og það vill einnig til að ég er að bíða eft­ir nýju ljósi yfir borðstofu­borðið svo mér fannst til­valið að út­búa smá blóma­bombu yfir borðið, heim­il­is­fólk­inu til mik­ill­ar gleði. Þið sjáið þó aðeins lítið brot af blóma­safn­inu mínu hér á mynd­un­um,“ seg­ir Svana.

Svana seg­ir að ástríða henn­ar fyr­ir að stílsera og hafa fal­legt kring­um sig hafi ávallt verið til staðar. „Ég elska að breyta til og punta hvern krók og kima á heim­il­inu. Þetta er eitt­hvað sem hef­ur alltaf fylgt mér að hafa gam­an af öllu sem mætti flokka sem dúlle­rí og það að gera eitt­hvað fal­legra gef­ur mér ótrú­lega mikla gleði og hug­ar­ró. Hug­ur­inn minn er alltaf á fleygi­ferð og ég fæ stans­laust nýj­ar hug­mynd­ir sem mig lang­ar til að koma í fram­kvæmd, þó ég hafi ekki nógu marg­ar klukku­stund­ir í sól­ar­hringn­um til að það gæti orðið að veru­leika,“ seg­ir Svana dreym­in á svip. 

Heil­agt að draga fram páska­fönd­ur eft­ir börn­in mín

Aðspurð seg­ir Svana að hún haldi í ákveðnar hefðir þegar kem­ur að því að skreyta fyr­ir pásk­ana. „Það er al­veg heil­agt á pásk­un­um að draga fram páska­fönd­ur eft­ir börn­in mín sem enn bæt­ist í, gul­ir málaðir stein­ar með fjöðrum og annað krútt­legt sem ég elska. Ég er yf­ir­leitt alltaf með grein­ar í vasa sem ég hengi á máluð egg en í ár vildi ég breyta til svo ég út­bjó smá blóma­beð, eins kon­ar hreiður í stóra skál frá Ferm Li­ving sem og lagði nokk­ur egg sem mér finnst skemmti­legt að hafa til skrauts.“

Hver er heit­asti páskalit­ur­inn í ár að þínu mati?

„Ætli gul­ur og hvít­ur séu ekki oft­ast grunn­ur­inn en ég er svo litaglöð að bleik­ur og fjólu­blár eru al­veg ómiss­andi að hafa með fyr­ir meiri vorfíl­ing.

Hvort ertu hrifn­ari af kan­ín­um eða páskaung­um sem páska­skrauti?

„Bæði er betra - og meira er líka betra þegar kem­ur að skrauti finnst mér.“

Vinn­ur þú mikið með lif­andi blóm þegar þú skreyt­ir?

„Já, ég al­gjör­lega elska að skreyta með blóm­um, en ég tók þó ákvörðun ný­lega að not­ast frek­ar við vönduð ei­lífðarblóm og get þá notað hverja blóma­skreyt­ingu aft­ur og aft­ur. Það er bæði mikið ódýr­ari val­kost­ur og líka um­hverf­i­s­vænni, mér fannst eitt­hvað skrítið við til­hugs­un­ina að flytja inn svona mikið af lif­andi blóm­um til að skreyta fyr­ir eina veislu og svo lifðu blóm­in bara í ör­fáa daga. Blóm gera allt fal­legra og þar sem ég heill­ast svo mikið af óhefðbundn­um og dá­lítið villt­um blóma­skreyt­ing­um sem ég tæmdi oft veskið mitt við að út­búa þá finnst mér svo gam­an að geta núna boðið upp á þannig skreyt­ing­ar sem hægt er að end­ur­nota aft­ur og aft­ur. En ég tek þó sér­stak­lega fram að ég versla enn mikið ad ís­lensk­um ræktuðu blóm­um og mun seint hætta því,“ seg­ir Svana sem alla jafna er með blóm í vasa og og hrífst um leið og hún finn­ur blóma­ang­an. 

Elska litlu lit­ríku eft­ir­rétt­ina hans Gulla Arn­ars

Svönu finnst líka skipta máli að vera með fal­leg­ar veit­ing­ar sem fanga augað. Þegar von er á gest­um með stutt­um fyr­ir­vara lum­ar Svana á góðum ráðum en hún þurfti til að mynda að græja veit­ing­ar með stutt­um fyr­ir­vara fyr­ir þessa mynda­töku og dó þá ekki ráðalaus. „Mitt besta ráð er að átt þú von á gest­um en hef­ur ekki tíma til að græja veit­ing­ar þá er það mín lífs­björg að kaupa til­búið en bera það skemmti­lega fram með þínu tvisti, ég kom í morg­un við hjá Gulla Arn­ari bak­ara sem er sæl­kera hand­verks­bak­ari hér í Hafnar­f­irðinum í Flata­hrauni. Ég elska litlu lit­ríku eft­ir­rétt­ina hans sem gera borðhaldið extra djúsí og hvað þá ef þú berð þá fram í skelj­um, en ég mæli með að prófa bæði,“ seg­ir Svana að lok­um og býður ljós­mynd­ar­an­um upp á lit­rík­ar kræs­ing­ar að lok­inni mynda­töku.