Klassísk rjómalöguð sveppasúpa af betri gerðinni
Nostalgía að njóta þessara rjómalöguðu sveppasúpu sem er af betri gerðinni.
mbl.is/Kristinn Magnússon
Setja bókamerki
Fastur liður á laugardagsmorgnum á matarvefnum eru leyndardómsfullu uppskriftirnar úr Húsó-eldhúsinu í Hússtjórnarskólanum sem njóta mikilla vinsælda hjá lesendum. Að þessu sinni deilir Marta María Arnarsdóttir skólameistari Hússtjórnarskólans með lesendum uppskrift að klassískri rjómalagðari sveppasúpu eins og hún gerist best. Gott er að bera súpuna fram með heimabökuðum brauðbollum. Rjómalagaða sveppasúpan er líka tilvalin í forrétt um helgina og á eftir að slá í gegn.
Rjómalöguð sveppasúpa
- 60 g smjör
- 300 g sveppir
- 60 g hveiti
- 6-7 dl kjúklingasoð eða grænmetissoð
- 3 ½ dl rjómi
- 1 msk. steinselja
- Salt og pipar eftir smekk
- Steinselja í skraut
- Þeyttur rjómi eftir smekk til skrauts
Aðferð:
- Steikið sveppina upp úr smjöri á miðlungs hita.
- Blandið hveitinu saman við.
- Blandið soðinu saman við og hrærið þar til blandan verður kekkjalaus.
- Blandið rjóma saman við ásamt kryddi, látið sjóða rólega í 5-6 mínútur.
- Þegar súpan er kominn í skál setjið þá „dass“ af þeyttum rjómatopp í súpuna ásamt steinselju skrauti yfir.
- Berið súpuna fram með góðu brauði.
/frimg/1/53/5/1530526.jpg)
Yfirvöld láta ekkert uppi: Sænsk herskip kölluð út
Hraunið náð Njarðvíkuræð: Fylgjast með raflínu
Myndir: Grindavíkurvegur aftur undir hraun
Sáu eldgosið brjótast út frá Snæfellsnesi
Beint: Eldgos hafið við Stóra-Skógfell
Þórarinn: Tafir á höfuðborgarsvæðinu ekki minni
Hraun fór yfir Grindavíkurveg
Á algjöru frumstigi eftir þrjár vikur af verkfalli