Móbergs Massarína á eftir að valda glundroða
Setja bókamerki
Þá er komið að helgarbakstrinum sem er ómissandi hér á matarvefnum og nýtur mikilla vinsælda. Hér er á ferðinni er mjög einföld kaka en svo góð og með mildu marsipanbragði sem kemur úr smiðju Brynju Döddu Sverrisdóttur ofan úr fjallinu í Kjós úr Móberginu. Brynja Dadda er ástríðubakari og heillar alla sína gesti með sínum ómótstæðilegu kræsingum. Þessi uppskrift á eftir að valda glundroða, því kakan er svo góð. Spurning hver fær síðustu sneiðina. Kakan er þétt og ekkert lyftiduft er í þessari uppskrift og áferðin er fullkomin.
„Í marga daga er ég búin að hafa í huga að baka marsipanköku. Það var farið að naga mig svo ég ákvað að reyna að finna uppskrift, sem ég átti einhvern tímann til, en nú er orðið ansi langt síðan þessi hefur verið bökuð. Samt er hún svo góð og ofureinföld,“ segir Brynja Dadda og bætir við að hana minni að uppskriftin komi af danskri uppskriftasíðu upphaflega.
Gott að bera kökuna fram með þeyttum rjóma og sumir eru líka til í niðursoðna ávexti með.
Móbergs Massarína
- 200 g marsipan, rifið gróft niður
- 200 g sykur
- 200 g smjör, brætt
- 4 egg
- 120 g hveiti
- 100 g suðusúkkulaði ofan á
Aðferð:
- Byrjið á því að hita ofninn í 180°C hita.
- Hrærið saman rifnu marsipani og sykri.
- Bræddu smjöri bætt við. Hrært þar til nokkuð slétt og samfellt.
- Bætið við einu eggi í einu og hrærið svolítið á milli.
- Að lokum er hveitið sett út í. Það þarf ekki að hræra mikið eftir það.
- Setjið kökuna í ofninn og bakið í 35 mínútur, kannski 3 mínútur til eða frá, ofnar eru misjafnir.
- Vert er að setja einfalda súkkulaðibráð ofan á. Það mætti líka vera glassúr. Ykkar er valið.
- Berið fram og njótið.
Ekki hægt að slá gosið út af borðinu strax
Þurfa að fjölga um 100 legurými
Þrír menn ruddust inn í íbúð í Vesturbænum
Formaðurinn útilokar ekki undirritun í kvöld
Vilja 20 ára dóm í frönsku nauðgunarmáli
Fæðuöryggi: „Áttum mat í þrjár vikur“
Létu lofthræðsluna ekki á sig fá