Asískar núðlur með lambakjöti

• 300 g lambahakk
• 150-200 g eggjanúðlur
• 2 msk. sesam olía
• 1 tsk. five spice kryddblanda
• 2 msk. sesamfræ
• 1 tsk. chiliflögur
• 2 msk. sojasósa
• 3 hvítlauksgeirar, saxaðir
• ½ spergilkál, skorið í hnappa
• 100 g Pak choi (eða spínat)
• 4 vorlaukar, hvíti hlutinn sneiddur

Aðferð:

1. Hitið víða pönnu og helming sesamolíunnar.
2. Steikið hakkið á háum hita í 5 mínútur, hrærið reglulega í á meðan.
3. Hrærið five spice, chiliflögum, sojasósu og sesamfræjum saman við, lækkið hitann og eldið í 1 mínútu til viðbótar. Takið af pönnunni og geymið í skál til hliðar, pannan fer beint á helluna aftur á meðalhita.
4. Hitið afganginn af sesamolíunni og svissið í u.þ.b 2 mínútur hvítlauk, spergilkál, pak choi og megnið af vorlauknum.
5. Eldið núðlurnar samtímis samkvæmt leiðbeiningum á pakkanum, sigtið og bætið á pönnuna ásamt hakkblöndunni, hitið og blandið vel, stráið vorlauk yfir og berið fram asískar lambanúðlur.