Alvöru morgunverðarpanna fyrir þá sem elska egg
Falleg morgunverðarpanna sem gleður alla þá sem elska egg.
Ljósmynd/Hildur Rut Ingimarsdóttir
Setja bókamerki
Hér eru saman komin egg, avókadó og cheddar ostur sem er fullkomin blanda fyrir góðan morgunmat. Rétturinn er borinn fram á pönnu og lítur dásamlega vel út. Þetta er alvöru morgunmatur fyrir þá sem elska egg. Uppskriftinni deildi Hildur Rut Ingimarsdóttir matarbloggari með fylgjendum sínum á Instagram síðu sinni á dögunum. Hún sá þessa uppskrift í Half Baked Harvest bók sem hún á og rétturinn heillaði hana upp úr skónum.
Morgunverðarpanna
- 4 egg
- 1 ½ -2 dl rifinn cheddar ostur
- Saltflögur eftir smekk
- Chiliflögur eftir smekk
- 1 avókadó
- 1 msk. góð ólífuolía
- Safi úr ½ sítrónu
- 1 vorlaukur, sneiddur
- Fersk basilíka eftir smekk
- Fersk steinselja eftir smekk
- Óreganó eftir smekk
Aðferð:
- Blandið saman ólífuolíu, sítrónusafa, vorlauk, basilíku, steinselja, óreganó, saltflögum og chiliflögum í skál eða könnu.
- Skerið avókadó í bita og blandið saman við kryddblönduna.
- Dreifið cheddar ostinum á miðlungsheita pönnu.
- Bræðið hann í um 1 mínútu eða þar til osturinn er aðeins bræddur og smá olía kominn úr honum.
- Bætið eggjunum út í, brjótið þau eins og þið gerið þegar þið spælið egg og eldið í 3-4 mínútur eða þar til eggjahvítan er fullelduð en eggjarauðan er lin.
- Dreifið avókadó blöndunni yfir.
- Berið réttinn fram á pönnunni með góðu brauði og njótið.
Ók á hóp fólks á jólamarkaði: Einn látinn
Var engin kristnitaka árið 1000?
„Tímabil aukinnar eldvirkni“
Víkingar komnir yfir 800 milljónir í greiðslur
„Þetta er ríkisstjórn almannahagsmuna“
Lát hjóna í Neskaupstað: Ákæra gefin út
Stormur á Þorláksmessu en víðast hvar stefnir í hvít jól
