Grilluð paprika og jarðarberjasalsa

• 2 rauðar paprikur, kjarnhreinsaðar og skornar í litla bita
• Salt, pipar og ólífuolía eftir smekk

Aðferð:

1. Hitið ofninn í 200°C hita.
2. Setjið paprikubitana á ofnplötu klædda bökunarpappír og setjið ólífuolíu, salt og pipar yfir bitana eftir smekk.
3. Grillið í ofninum í um það bil 15-20 mínútur, eða þar til paprikan er vel grilluð.
4. Á meðan þið grillið paprikuna er vert að útbúa salsað og dressinguna.

Jarðarberjasalsa

• 8-10 jarðarber, hreinsuð og skorin í litla bita
• 6 tómatar, hreinsaðir, skornir í litla bita
• ½ lítill rauðlaukur, smátt skorinn
• ½ búnt basil, saxað gróft
• ½  búnt kóríander, saxað gróft

Aðferð:

1. Setjið allt hráefnið í stóra og víða skál.

Dressing

• 3-4 msk. ólífuolía
• 1 msk. ferskur sítrónusafi
• 1 msk. balsamik gljái
• Salt  og pipar eftir smekk

Aðferð:

1. Setið allt hráefnið saman í krukku með loki og hristið saman.

Samsetning:

1. Takið skálina með jarðarberjasalsanu og bætið við paprikubitunum við  og blandið að vild.
2. Takið síðan dressinguna í krukkunni og hellið yfir að vild.
3. Hrærið saman eins og ykkur langar til.
4. Berið fram með því sem hugurinn girnist.