Matur | mbl | 14.5.2024 | 18:00

Ljúffengar sólarvefjur í nesti

Þessar sólarvefjur passa vel í nesti og ekki síður í næstu pikknikk-ferð. Ljósmynd/Unsplash

Vefjur eru bæði sniðugar og ljúffengar í nesti og líka í ferðalagið. Hægt er að fylla þær nánast með hverju sem er, fersku grænmeti, áleggi og sósum sem gleðja bragðlaukana. Flestar sósur passa vel með vefjum en það þarf þó að gæta þess að troða ekki um of í vefjurnar svo gúmmulaðið velli ekki út úr þeim.

Frétt af mbl.is

Flottustu pikknikk körfur landsins

Hér er uppskrift að vefjum sem ég hef gjarnan útbúið í nesti og líka fyrir pikknikk. Uppskriftin er einföld og þægileg og vefjan bragðast afar vel. Einfaldleikinn er oft bestur.

Sólarvefjur

4 stóra tortillur
Salsasósa að eigin vali
Rjómaostur
Salatblöð
1 pk. léttreykt kjúklingaskinka
1 pk. maribo-ostur eða cheddar-ostur
Grænmetisblanda frá Mabrúka eftir smekk

Aðferð:

Leggið tortillurnar á bretti og smyrjið þær með þunnu lagi af rjómaosti.
Smyrjið þær síðan með þunnu lagi af salsasósu.
Leggið svo niður salatblöð ofan á sósuna.
Leggið síðan niður kjúklingaskinkusneiðar á tortillurnar og loks ostsneiðar þar næst yfir.
Kryddið til með grænmetisblöndunni frá Mabrúka eða öðru grænmetiskryddi ef vill.
Gætið þess að skilja eftir 2 sentimetra auða á tortillunni öðrum megin til þess að innihaldið leki síður út.
Rúllið upp eins og pönnuköku og skerið í jafnar 5 eða 10 sentimetra sneiðar.
Setjið í box og njótið undir berum himni þegar sólin skín.