Matur | mbl | 5.6.2024 | 6:00 | Uppfært 11:39

Þessa bananabombu verður þú að smakka

Bragðgóð og ljúf bananabomba sem gerir daginn betri. Ljósmynd/Unsplash

Ef þú elskar banana þá er þetta rétta bomban fyrir þig. Það er fátt betra en að byrja daginn á bragðgóðum og orkuríkum graut. Þegar mig langar í góða bananabombu þá verður þessi oft fyrir valinu, þó svo að mig langi stundum frekar í bananasplit enda er ég mikill sælkeri. Þetta er klassískur og einstaklega ljúfur grautur og það má gera hann að sínum. Ég bæti stundum bananasneiðum ofan á grautinn og skreyti að vild.

Bananabomba

Fyrir 1

1 ½ dl haframjöl
1 dl vatn
½ dl mjólk
1 msk. chiafræ
1 banani, stappaður
80% súkkulaðidropar frá Kaju
Kanill eftir smekk ef vill, má sleppa

Aðferð:

Byrjið á því að setja haframjöl, vatn og mjólk í pott.
Bætið chiafræjum saman við og látið suðuna koma upp.
Bætið þá við stöppuðum banana og hrærið í grautnum.
Hellið grautnum í skál og skellið súkkulaðidropum út á eftir smekk og smá kanil ef vill.