Matur | mbl | 18.6.2024 | 11:00 | Uppfært 11:15

Öðruvísi og spennandi forréttur

Fallegur forréttur, bragðgóður og sáraeinfalt að útbúa. Samsett mynd

Þessi spennandi sushi-forréttur kemur úr smiðju Katerynu B., samfélagsmiðlara og áhugamanneskju um mat, og gleður svo sannarlega augað. Rétturinn er aðeins öðruvísi og skemmtileg samsetning að hráefnum í þremur lögum, avókadó og reyktur lax leika aðalhlutverkið. Hann er einstaklega auðveldur í framreiðslu, ljúffengur á bragðið og það besta er að rétturinn er lágkolvetna. Sjáið myndbandið á Instagram-síðu hennar hér.

View this post on Instagram

A post shared by Kateryna B. (@katerynascafe)

Avókadó og reyktur laxatartar

Magn eftir smekk hvers og eins

Avókadó
Sítrónusafi
Ferskt dill
Svartur pipar
Tómatar
Graslaukur
Sjávarsalt
Heitreyktur lax eða reyktur lax
Japanskt yuzu-majónes
Sesamfræ
Sprettur til skreytinga

Aðferð:

Takið til mátulega stóran stálhring og setjið á disk sem þið ætlið að bera réttinn fram á, til að raða hráefninu í. Vert að skoða myndbandið vel áður en þið byrjið.

Fyrsta lagið

Saxið avókadó í litla bita, blandið með sítrónusafa, dilli og svörtum pipar.

Annað lagið

Skerið niður tómata í litla bita, blandið saman við graslauk og sjávarsalt.

Þriðja lagið

Leggið ofan á reykta laxinn eftir smekk. Toppið með japönsku yuzu-majónesi, svörtum pipar og sesamfræjum eftir smekk.
Skreytið með sprettum ef vill.
Berið fram og njótið.