Matur | mbl | 20.6.2024 | 21:00

„Hvíta fíflið“ hennar Evu uppáhalds

Eva Dögg Sigurgeirsdóttir fagurkeri og matgæðingur deilir með lesendum uppskriftinni að sinni uppáhaldsgrillsósu. mbl.is/Eggert Jóhannesson

Eva Dögg Sigurgeirsdóttir fagurkeri og matgæðingur með meiru elskar fátt meira en að bjóða sínum uppáhalds í mat. Hún er mikill sælkeri og nýtur þess að snæða ljúffengar kræsingar með vinum og vandamönnum. Ef hún fær eitthvað gott hjá öðrum hikar hún ekki við að fá uppskriftina og prófa sjálf. Sumrin eru hennar grilltími og þá eru köldu sósurnar málið þegar kemur að góðu meðlæti.

Uppáhaldsgrillsósan mín

„Ég elska þennan árstíma þegar grillilmurinn svífur yfir hverfinu mínu á kvöldin. Það besta sem ég hef með grillmatnum eru kaldar sósur. Mér finnst heitu sósurnar passa mun betur yfir vetrartímann. Ég var annars í Finnlandi um daginn hjá vinahjónum og Finnar nota sósur mun minna en við og krydda líka minna þannig nýtur bragðið af kjötinu sér betur. En uppáhalds grillsósan mín er kölluð „Hvíta fíflið“ en hún passar í raun með öllu kjöti og er einnig frábær með humar og fiski nú og svo smellpassar hún með bökuðum kartöflum,“ segir Eva með bros á vör.

„Ég á því miður ekki heiðurinn af þessu nafni en ég var í matarboði fyrir 20 árum síðan örugglega og þá smakkaði ég þessa sósu fyrst og spurði hvaða sósa þetta væri og þá var mér sagt að hún héti Hvíta fíflið. Í raun er hægt að nota bara þrjú innihaldsefni sem gerir það að verkum að það geta allir munað þessa uppskrift sem er tær snilld,“ segir Eva að lokum og deilir hér með hinni leyndardómsfullu uppskrift að Hvíta fíflinu.