Kartöflusalatið hennar Dagnýjar með Curtido
Setja bókamerki
Þá er komið að súrkálssalati vikunnar frá súrkálsdrottningunni Dagnýju Hermannsdóttur sem veit allt um súrkál. Að þessu sinni er deilir hún með lesendum Matarvefsins kartöflusalati með Curtido en það er alveg stórsniðugt að nota smátt skorið súrkál í stað relish í kartöflusalöt og bæta í hollustuna.
„Svona salat er stórgott fyrir þarmaflóruna, því ekki er nóg með að súrkálið innihaldi ógrynni af góðgerlum (probiotic) heldur eru innihalda kaldar soðnar kartöflur þolna sterkju (prebiotic) sem örverurnar í þörmunum okkar elska,“ segir Dagný með bros á vör.
„Þetta er einstaklega gott kartöflusalat en fyrir þau sem ekki eru gefin fyrir kartöflur er kjörið að skera ferskt blómkál smátt og nota í staðinn. Salatið geymist i nokkra daga í kæli,“ segir Dagný að lokum.
Kartöflusalat með Curtido
- 500 g soðnar og kældar kartöflur
- 150 g Curtido súrkál
- 150 g epli
- 100- 120 g majónes eða blanda af majónesi og sýrðum rjóma
- 30 g rauðlaukur
- Salt og pipar eftir smekk
- Graslaukur ef hann er við hendina, saxaður
Ef vill er hægt að bæta þessu út í
- 1-2 tsk. sinnep
- 1-2 tsk. karrí
- 1-2 harðsoðin egg
Aðferð:
- Byrjið á því að hræra majónesið/sýrða rjómann í skál.
- Saxið Curtido fremur smátt.
- Skerið kartöflurnar í bita.
- Sneiðið rauðlaukinn þunnt og eplið í teninga eða strimla.
- Setjið allt saman ofan í skálina með majónesinu og blandið saman.
- Smakkið til með smá salti og pipar.
- Ef þið viljið krydda meira þá er lag að bæta karrí út í og einnig sinnepi og eggjum en alls ekki nauðsynlegt.
- Berið fram í fallegri skál á fæti og skreytið með graslauk.
Mikill viðbúnaður þegar tveimur var bjargað úr sjó
Braut ítrekað á barnungri dóttur sambýliskonunnar
Ófyrirséð innherjasvik á markaði
Tekist á um ásetning Dagbjartar
Íbúar í Grafarvogi ósáttir við þéttingu
Bæjaryfirvöld ekki staðið við samkomulag
Tekur tilkynningu Veðurstofunnar með fyrirvara