Lambakoftas með rauðkálshrásalati borið fram með hummus og flatbrauði

Lambakoftas

•  500 g lambahakk
•  1 lítill laukur, saxaður smátt
•  2 msk. kóríander, saxað smátt
•  2 msk. steinselja, söxuð smátt
•  2 tsk. kummin
•  1 tsk. paprika
•  1 tsk. kanill
•  ½ tsk. chili-duft
•  ¼ tsk. sjávarsalt
•  8 löng grillspjót, lögð í bleyti í 30 mín. ef notuð eru tréspjót
•  1 msk. ólífuolía
•  ½ sítróna, skorin í báta
•  ¼ hnefafylli myntulauf

Aðferð:

1. Setjið lambahakk í stóra skál ásamt lauk, kóríander, steinselju, kummin, papriku, kanil, chili-dufti og salti.
2. Blandið öllu vel saman, hér er best að nota hendurnar. Skiptið hakkinu yfir í átta jafna hluta, bleytið hendurnar örlítið og mótið kúlur úr hakkinu. Mótið kúlurnar í u.þ.b. 10 cm langar lengjur.
3. Stingið grillspjóti inn í miðjuna á hverri lengju, leggið á bakka og kælið í 1 klukkustund. Hér er einnig hægt að kæla kjötið í allt að einn sólarhring áður en það er eldað.
4. Takið kjötið út 30 mínútur áður en það er eldað.
5. Hitið grill eða grillpönnu og hafið á háum hita.
6. Penslið ólífuolíu yfir kjötið og eldið í u.þ.b 8 mínútur. Snúið kjötinu við á 2 mínútna fresti
7. Berið fram með flatbrauði eða pítubrauði, hummus, sítrónubátum, myntulaufum og rauðkálshrásalati.

Rauðkálshrásalat

•  150 g majónes
•  50 g jógúrt
•  2 tsk. sítrónusafi
•  1 tsk. sítrónubörkur, rifinn fínt
•  1 hvítlauksgeiri, saxaður smátt
•  200 g rauðkál, kjarnhreinsað og skorið mjög þunnt
•  1 gulrót, afhýdd og rifin niður
•  1 msk. steinselja

Aðferð:

1. Setjið majónes, jógúrt, sítrónusafa, sítrónubörk og hvítlauk í blandara og maukið þar til allt hefur samlagast vel.
2. Setjið rauðkál, gulrót og steinselju í skál og blandið saman.
3. Hrærið sósunni saman við og kælið þar til fyrir notkun.